AMAKURU

UKWEZI
ubumwe

Uganda yataye muri yombi Abanyarwanda hafi 200

Uganda yataye muri yombi Abanyarwanda hafi 200
27-11-2019 saa 09:15' | By Nsanzimana Ernest | Yasomwe n'abantu 2686 | Ibitekerezo

Inzego z’ umutekano za Uganda ku wa Mbere w’ iki cyumweru zataye muri yombi Abanyarwanda bari hagati ya 150 na 200.

Abo Banyarwanda bafatiwe mu karere ka Kisoro, ahitwa Bufumbira, ahatuye abaturage basangiye byinshi n’ u Rwanda birimo imico n’ ururimi ku buryo basurana kenshi n’ u Rwanda kuko ari hafi y’ umupaka w’ u Rwanda na Uganda.

The New Times yatangaje ko impamvu yatumye aba Banyarwanda batabwa muri yombi itaramenyekana. Gusa ikizwi ni uko u Rwanda rumaze igihe rushinja Uganda gufunga Abanyarwanda mu buryo bunyuranyije n’ amategeko Uganda ikavuga ko abo ifunga iba ibakekaho kuba ba maneko b’ u Rwanda.

Aba banyarwanda bafashwe ku wa Mbere ngo bapakirwaga mu makamyo bakajyanwa kuri sitasiyo ya polisi ya Kisoro.

Hari amakuru avuga ko mu batawe muri yombi harimo n’ Abanyatanzania n’ Abanyekongo abo ngo bahise barekurwa.

Abataye muri yombi aba Banyarwanda ntabwo bigeze babimenyesha Leta y’ u Rwanda. Ambasaderi w’ u Rwanda muri Uganda Frank Mugambage yagize ati “Ntabwo bigeze batumenyesha nk’ uko byagiye bigenda ku bindi birego”.

Ambasaderi yavuze ko yabimenyeye mu itangazamakuru ndetse ko nk’ ambasade y’ u Rwanda batangiye gukurikirana iki kibazo cy’ Abanyarwanda bongeye gutabwa muri yombi ku bwinshi.

Ikibazo cyo guta muri yombi Abanyarwanda benshi icyarimwe, cyaherukaga kumvikana muri Nyakanga, icyo gihe inzego z’ ubutasi za Uganda zagiye mu rusengero zita muri yombi Abanyarwanda 40.

Umubano mubi hagati y’ u Rwanda na Uganda watangiye kugaragaza cyane muri Gashyantare uyu mwaka, ubwo u Rwanda rwagiraga Abanyarwanda inama yo kudakomeza kujya muri Uganda. Ibi byaje bikurikira amakuru yavugaga ko Abanyarwanda bajya muri Uganda bashimutwa bagafungwa binyuranyije n’ amategeko kandi bakanakorerwa iyicarubozo.

U Rwanda rushinja Uganda gufasha imitwe irurwanya. Hari n’ ingero z’ Abanyarwanda barwanya u Rwanda bagiye bahura n’ abategetsi ba Uganda bikamenyekana.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...