AMAKURU

UKWEZI
pax

Indege itwara abagenzi yakoze impanuka bose barapfa

Indege itwara abagenzi yakoze impanuka bose barapfa
8-01-2020 saa 17:25' | By Nsanzimana Ernest | Yasomwe n'abantu 3673 | Ibitekerezo

Indege y’ igihugu cya Ukraine yo mu bwoko bwa Boeing-737 yari itwaye abantu barenga 170 bakomoka mu bihugu birindwi yakoze impanuka igeze mu gihugu cya Iran.

Umuryango utabara imbabare Croissant Rouge ishami ryo muri Irani rivuga ko nta muntu n’umwe bashoboye kurona ko yarokotse.

Iyo ndege ya sosiyete Ukraine International Airlines, yaguye hashize akanya gato ihagurutse. Hari 6h12 ivuye ku kibuga cy’indege cya Irani, Imam Khomeini ijya mu murwa mukuru Kyiv.

Minisiteri y’ ububanyi n’ amahanga ibinyujije kuri twitter yatangaje ko iyo mpanuka yatewe n’ ibibazo bya moteri. Nyuma ubu butumwa bwaje guhanagurwa hashyirwa ahagaragara itangazo rivuga ko icyateye impanuka kizatangazwa ari uko itsinda ribishinzwe ryarangije iperereza.

Minisitiri w’ ububanyi n’ amahanga wa Ukraine, Vadym Prystaiko, avuga ko mu bahasize ubuzima harimo abanya Irani 82, abanya Canada 63, abanya Ukraine 11 harimo abakozi bayo, abanya Suede 10, abanya Afghanistani bane, Abongereza batatu hamwe n’abadage batatu.

Umukuru w’igihugu cya Ukraine, Volodymyr Zelensky, byabaye ngombwa ko ahagarika urugendo yarimo muri Oman asubira i Kyiv. Yatangaje ko bari gukora uko bashoboye ngo hamenyekane icyateye iyo mpanuka n’ umubare nyakuri w’ abapfuye.

Mu itangazo yasohoye yihanganishije incuti n’abavandimwe b’ingenzi zose hamwe n’abapilote b’iyo ndege.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...