AMAKURU

UKWEZI

Abaganga 2 n’umupolisi baguye mu gitero cyagabwe ku bitaro biri i Chicago

Abaganga 2 n’umupolisi baguye mu gitero cyagabwe ku bitaro biri i Chicago
20-11-2018 saa 10:47' | By Vincent Nsengiyumva | Yasomwe n'abantu 837 | Ibitekerezo

Umuntu witwaje intwaro yagabye igitero cy’ubwiyahuzi ku bitaro bya Mercy biri mu Mujyi wa Chicago muri Leta Zunze Ubumwe za Amerika abamishamo amasasu, batatu barimo abanganga n’umupolisi bahasiga ubuzima.

Iki gitero cyagabwe kuri ibi bitaro mu ijoro ryo kuri uyu wa mbere tariki ya 19 Ugushyingo, kigwamo umu Dogiteri witwa Tamara O’Neal, umuganga ukora muri Farumasi witwa Dayna Less ndetse n’umupolisi.

BBC dukesha iyi nkuru itangaza ko umwiyahuzi wagabye igiterro muri ibi bitaro nawe yahasize ubuzima, gusa ntiharamenyekana niba yarashwe na polisi cyangwa niba ariwe ubwe wirashe.

Meya wa Chicago, Rahm Emanuel yemeje amakuru y’iki gitero, avuga ko ubuyobozi bwashenguwe bikomeye n’inzirakarengane zahasigiye ubuzima.

Yagize ati “ Nibyo koko mu bitaro bya Chicago hagabwe igitero cy’ubwiyahuzi gihitana ubuzima bw’inzirakarengane. Amarira n’agahinda ni byose muri uyu mujyi.”

James Gray wabonye uyu mwiyahuzi utatangajwe amazina yinjira muri ibi bitaro bya Mercy, batangaje ko yinjiriye muri parikingi y’ibitaro ahita agana aho Dogiteri Tamara O’Neal yakoreraga atangira kumurasa.

Yavuze ko yiboneye umwiyahuzi arasa Dogiteri Tamara O’Neal isasu yikubita hasi maze amurasa andi masasu atatu.

Ubwo uyu mwiyahuzi yamaraga kurasa amasasu menshi Dayna Less, abapolisi bahise batabara, maze ahungira mu bitaro agenda arasa amasasu menshi ari nabwo yahuye n’umuganga ukora muri Farumasi witwa Dayna Less ahita amurasa nawe ahasiga ubuzima.

Mu kurrasana na Polisi yahise imwotsa igitutu, umupolisi witwa Samuel Jimenez wari mu batabaye yaharasiwe yitaba Imana.

Ubwicanyi bw’abitwaje intwaro bumaze gufata inde ntera muri Leta ZZunze ubumwe za Amerika, aho hatamara kabiri hatumvikanye abantu bagabweho igitero benshi bakahasiga ubuzima.

BBC itangaza ko abantu bagera ku 13,000 bamaze kwicwa n’abantu bitwaje intwaro muri Leta Zunze Ubumwe za Amerika muri uyu mwaka, abandi basaga 25,000 bakaba barakomeretse.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...