AMAKURU

UKWEZI
pax

Urushako rubi rwatumye ashora imodoka mu Nyanja y’ Abahinde arapfa

Urushako rubi rwatumye ashora imodoka mu Nyanja y’ Abahinde arapfa
11-12-2019 saa 10:55' | By M | Yasomwe n'abantu 4737 | Ibitekerezo 3

Mu gitondo cyo ku wa Kabili w’ icyumweru gishize nibwo hamenyekanye impanuka y’ imodoka yaguye mu Nyanja y’ Abahinde ku cyambu cya Mombasa, magingo aya byamaze kumenyekana ko uyu mugabo yiyahuye kubera umugore we.

Uwiyahuye ni John Mutinda, naho uwahishyuye ukuri kose ni nyina Musangi Mutinda, wagaragarije ikinyamakuru Dail nation ko icyateye umuhungu we gushora imodoka mu nyanja ari ihohoterwa yakorerwaga n’ umugore we.

Uyu mugore yari yabanje kwigira nyoni nyinshi avuga ko umugabo we yashoye imodoka mu nyanja bitewe n’ uburwayi bwo mu mutwe.

Mutinda yavuye mu rugo saa kumi z’ igitondo ahita ajya kwijugunya mu nyanja y’ Abahinde n’ imodoka ye. Mu gitondo cyo ku wa Gatandatu nibwo iyi modoka yakuwe mu nyanja.

Umugore we Ruth Mueni yatangaje ko umugabo we nijoro yakiriye telefone ya se umaze imyaka myinshi apfuye bucya ajya kwiyahura.

Nyirabukwe wa Mueni avuga ko ibyo umukazana we yavuze ari ibinyoma, ngo ahubwo icyatumye umuhungu we ajya kwiyahura ni uko umugore we yamuhozaga ku nkenke.

Uyu mukecuru yakomeje avuga ko umukazana we mu kwezi gushize yasutse amazi ashyushye kuri Mutinda, Mutinda agiye gutanga ikirego kuri polisi aba ariwe bafunga amara iminsi ine muri kasho.

Nyina wa Mutinda yahaye itangazamakuru amafoto agaragaza ko umuhungu we yatwitswe mu gatuza n’ amazi ashyushye yasutsweho n’ umugore we .

Umuhungu wa nyakwigendera nawe avuga ko icyateye se gushora imodoka mu nyanja ari ihohoterwa yakorerwaga, akicuza kuba ataratabaye ubuzima bwa se amazi atararenga inkombe.

Itangazamakuru ryagerageje kuvugana n’ umugore wa nyakwigendera ngo asobanure ku by’ ihohoterwa akekwaho kuba yarakoreraga umugabo we, ati “Mumpe amahoro nunamire umugabo wanjye”.

Asabwe kugira icyo avuga ku bikomere byasanganywe umugabo mu gatuza yagize ati “Ninde waguhaye ayo mafoto. Ibyo ni ubuzima bwite bw’ umuryango wanjye ntacyo nabivugaho kano kanya”.

Nyakwigendera Mutinda ku myaka 46 y’ amavuko yari umushoramari. Yavuye iwe atwaye imodoka ku muvuduko mwinshi yijugunya mu nyanja nk’ uko byatangajwe n’ ikigo gishinzwe amato manini muri Kenya KFS.

Iyi mpanuka yabaye saa kumi n’ iminota 20 mu rukerera rwo ku wa Kabiri tariki 3 Ukuboza 2019, imodoka irohorwa ku wa Gatandatu.


INKURU ZA :
Tanga Igitekerezo
Ibitekerezo 3
DUMBULI Kuya 13-12-2019

Yoooo mbega ibyago, Buriya Mutinda iyo aza nkamurangira umugore mwiza witonda akamutetesha ariko ntiyiyahure cyane ko yari afite agafaranga. Ko byoroshye gutandukana na Ruth njye sinakwiyahurira umuntu nabonye akuze najya n’ahandi naho ritarema.

DUSABEMUNGU Jean Damascene Kuya 12-12-2019

Mbega agahinda ariko ingo zubu we

Methusellah Kuya 12-12-2019

Uko mbyumva uriya mugore yaramuhohoteraga pe ariko nanone uriya mugabo ntabwo yarigufata umwanzuro umeze kuriya. Yagombaga kumujya kure ye cyangwa akazaka gatanya niba bari baragiye murukiko.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...