Icyorezo cya covid-19 kiracyahangayikishije Isi kuva mu ntangiriro z’uyu mwaka wa 2020. Kugeza ubu muri Afurika abamaze kwandura ni 64 752 abamaze guhitanwa nacyo ni 2 301 abakize ni 22 683

Nubwo bimeze gutya ariko muri Afurika hari Leta 11 zifite abarwayi ba covid-19 ariko zitaratakaza umuntu n’umwe azize icyorezo cya covid-19, izo Leta nizo turibandaho muri iyi nkuru ya UKWEZI.

Kuri uyu mugabane utuwe ku bwiganzwe n’Abirabura, Leta 53 muri 54 zose zifite abarwayi ba covid-19. Igihugu rukumbi gisigaye muri Afurika kitaragaragaramo umurwayi wa covid-19 ni Lesotho.

Afurika y’Epfo niyo ifite abarwayi benshi ba covid-19, abarwayi 10 015 abapfuye ni 194 abamaze gukira ni 4,173. Misiri ku mwanya wa 2 mu kugira abarwayi benshi ni 9 400 abapfuye ni 525 abakize ni 2,075.

Ishami ry’Umuryango w’Abibumbye ryita ku Buzima OMS rivuga ko Afurika nititonda hazapfa abantu ibihumbi 190 mu gihe kugeza ubu hamaze gupfa abantu 2 301 kandi ibihugu bitandukanye muri Afurika byamaze koroshya gahunda ya guma mu rugo.

Ibihugu bya Afurika bifite abarwayi ba covid-19 ariko bitaratangaza ko hari uwapfuye ni :

1. Reunion ifite abarwayi 436 barimo 354 bakize
2. Rwanda rufite abarwayi 284 barimo 140 bakize
3. Madagascar ifite abarwayi 193 barimo 101 bakize
4. Centrafurika ifite abarwayi 143 barimo 10 bakize
5. Uganda ifite abarwayi 121 barimo 55 bakize
6. Sudan y’Epfo ifite abarwayi 120 barimo 2 bakize
7. Mozambique ifite abarwayi 91 barimo 34 bakize
8. Eritereya ifite abarwayi 39 barimo 37 bakize
9. Namibia ifite abarwayi 16 barimo 11 bakize
10. Seychelles ifite abarwayi 11 barimo 10 bakize.
11. Western Sahara ifite abarwayi 6 barimo 5 bakize.