AMAKURU

UKWEZI
cheno 2020

Inzoka zirakekwaho kuba inkomoko y’icyorezo ‘Koronavirusi’ kiri guhagarika urujya n’uruza mu Isi

Inzoka zirakekwaho kuba inkomoko y’icyorezo ‘Koronavirusi’ kiri guhagarika urujya n’uruza mu Isi
24-01-2020 saa 09:01' | By Nsanzimana Ernest | Yasomwe n'abantu 7248 | Ibitekerezo 4

Amoko abiri y’inzoka zifite ubumara bwinshi ‘Krait na Cobra’ ashobora kuba ariyo akomokwaho n’icyorezo kirimbuzi ‘koronavirusi’ cyandurira mu mwuka abantu bahumeka.

Izi nzoka zo mu bwoko bwa ‘Krait’ ziboneka cyane rwagati mu gihugu cy’ Ubushinwa no mu majyepfo ashyira iburasirazuba bw’umugabane wa Asia.

Mu mujyi wa Wuhan uhereye rwagati mu gihugu cy’Ubushinwa niho iyi ndwara yagaragaye bwa mbere mu mpera za 2019. Iyo ndwara abagenzi bakomeje kuyikongeza mu bihugu bitandukanye birimo na Leta zunze ubumwe za Amerika. Ibi byatumye ibihugu birimo n’u Rwanda bigira abaturage babyo inama yo kwitwararika ingendo zerekeza mu bihugu byo gace Ubushinwa buherereyemo.

Ikinyamakuru Financial Times kizwiho gukora inkuru z’ubukungu cyatangaje ko iyi ndwara yatumye Ubushinwa bushira mu gato imijyi yabwo 11 ituwe n’abaturage miliyoni 36 mu rwego rwo kwirinda ikwirakwira ry’iki cyorezo.

Ibi ngo bishobora gukoma mu nkokora ubukungu bw’iki gihugu n’ubusanzwe bwari bwatangiye gucumbagira kuko mu mwaka wa 2019 bwiyongereye ku muvuduko muto ku kigero kitari cyarigeze kibaho mu myaka 29 ishize.

Inzobere mu buvuzi zo mu Bushinwa zapimye ibipimo zafashe kubarwaye iki cyorezo basanga koronavirusi iri kwica abantu muri iyi minsi ifitanye isano n’indi nkayo yishe amagana y’abantu mu gace Ubushinwa buherereyemo mu myaka 17 ishize. Kuri iyi nshuro, iki cyorezo, Ishami ry’ Umuryango w’abibumbye ryita ku buzima OMS ryakise ‘2019-nCOV.

CNN yatangaje ko abashakashatsi bagereranyije iyi virusi iri gutera iyi ndwara na virusi zisanzwe ziba mu nyamaswa zirimo inyoni,inzoka, marmots, hedgehogs, manis, uducurama n’abantu basanga ifitanye isano rinini na virusi iba mu nzoka.

Mu mujyi wa Wuhan aho iki cyorezo cyagaragaye bwa mbere, inzoka ziri mu bicuruzwa mu isoko ry’inyama z’inyamaswa zo mu mazi ‘seafood’.

Abashakashatsi batekereza ko iyi virusi itera koronovirusi yaba yarahoze mu ducurama, inzoka zikarya uducurama, abantu bakarya inzoka iyo virusi ikagera mu bantu gutyo.

Igisa ni ikigiteye urujijo ngo ni uburyo iyi virusi ishobora kwihanganira kuba mu mibiri y’izi nyamaswa uko ari eshatu zirimo izigira amaraso ashyushye n’ izigira akonje.

Kugeza mu ijoro ryo kuri uyu wa Kane tariki 23 Mutarama abari bamaze guhitana na koronavirusi ni 25, abo byemejwe bidasubirwaho ko bayanduye ni 830, abayikekwaho bari 1 072.


INKURU ZA :
Tanga Igitekerezo
Ibitekerezo 4
Twagirayezu emmanuel Kuya 17-03-2020

Thank you Dr john from UK

Twagirayezu emmanuel Kuya 17-03-2020

Thank you Dr john from UK

kibwa Kuya 4-02-2020

Muribuka mu minsi ishize ukuntu Ebora yabicaga bigacika muri CONGO.? mURIBUKA UKUNTU Ebora ihitanye abantu benshi? Ariko Coronavirus imaze guhitana abantu bake. Kuko itari muri africa barayirwanya cyane. Mwibuke ko batereranye africa maze Ebora ikicura inkumbi.

Niyonzima Eric Kuya 31-01-2020

Iyi virus yo mu bwoko bwa korona virus ihangayikishije china ndetse n’isi , bityo rero nihajyeho ingamba zo kuyigwanya IMANA izadufasha .

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...