AMAKURU

UKWEZI
pax

Icyo inzobere zivuga ku bantu bajya kurira bakabura amarira

Icyo inzobere zivuga ku bantu bajya kurira bakabura amarira
22-05-2020 saa 09:57' | By Nsanzimana Ernest | Yasomwe n'abantu 1477 | Ibitekerezo 1

Bijya bibaho ko umuntu ashaka kurira bikanga, mu gihe hari abandi batungurwa n’ikintu kiza bakarira. Abatarira ngo biterwa n’impamvu nyinshi zirimo imyizerere n’ihungabana bahuye naryo.

Ikigo cy’Abanyamerika kitwa ku maso, kivuga ko umubiri w’umuntu ukora galo ziri hagati ya 15 na 30 z’ amarira buri mwaka. Galo ni igipimo gikoreshwa mu gupima ibisukika. Galo 15 zihanye na litiro 56.

Uko umuntu agenda akura ingano y’amarira umubiri we wakoraga igenda igabanuka. Ikindi gishobora kugabanya ingano y’amarira ni imwe mu miti ikoreshwa mu kuboneza urubyaro, no kugabanya agahinda gakabije, ikindi kigabanya ingano y’amarira mu muntu ni indwara ya diabete.

Annie Wright, umuganga w’indwara z’imitekerereze avuga ko agahinda gakabije ‘depression’ nako gashobora gutuma igice cyo mu maso gikora amarira gicika intege ntigikomeze gukora amarira menshi.

Karen R. Koenig L.C.S.W nawe ni inzobere mu bijyanye n’imitekereze, we avuga ko kutarira bishobora guterwa n’uko umuntu azi kwitandukanya n’amarangamutima ye.

Ati “Umuntu ashobora kugira ubushobozi bwo kwitandukanya n’amarangamutima ye, yahura n’ikintu kibabaje aho kugira agahinda akumva muri we atameze neza. Uyu ntabwo ashobora kurira”.

Akomeza avuga ko hari abanga kurira kuko bumva ko kurira ari ububwa, ati “Iyo umuntu yemera ko kurira ari ibintu bisanzwe mu buzima, kandi bifite akamaro mu buzima arareka amarira agatemba ku matama ye”.

Avuga kandi ko kurekura amarira no kutayarekura bituruka ku buryo abantu bakuru bari hafi yawe bakubwiraga iyo wabaga urize, ngo iyo ababyeyi bakubwiraga ko kurira ari ubugwari ukura udashobora kurekura amarira, ku buryo ushobora no kubigerageza uri mukuru bikanga.

Wright yabwiye ikinyamakuru Rustle dukesha iyi nkuru ko kurira no kutarira biterwa n’imyizerere yo mu muco wanyu. Ati “Mu mico myinshi kurira babifata nk’ikimenyetso cy’uko ukeneye gufashwa, kandi abagabo bo muri iyo mico ugasanga bakura batozwa ko nta mugabo urira, ibi bituma bifata ntibabire kugira ngo batabafata nk’abanyantege nke niyo baba bari bahuye n’ikintu cyatuma barira”.

Hari umugore uherutse kubwira umunyamakuru wa UKWEZI ko yapfushije umwana ari muri Repubulika ya Demukarasi ya Congo ahantu nta muntu bari baziranye, abura amarira.

Avuga ko icyatumye kurira bimunanira ari uko yari kumwe n’abantu atazi, ati “Umwana baramfashije ndamushyingura, bampa n’impozamarira nyikoramo itike ndataha, ngeze mu Rwanda nkikuma mama amaso sinamenye aho amarira aturutse. Urira kuko ufite uwo uririra”.

Inzobere mu bijyanye n’imitekerereze zivuga ko kurira bifite akamaro gakomeye kuko bigabanya agahinda kandi bikanasukura amaso.


INKURU ZA :
Tanga Igitekerezo
Ibitekerezo 1
mtjg Kuya 10-06-2020

nibyo koko nabwo mubeshya

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA