AMAKURU

UKWEZI
Canal+ christmax

Abarwayi ba Coronavirus bapfuye kubera ibura rya oxygen mu bitaro by’i Peshawar

Abarwayi ba Coronavirus bapfuye kubera ibura rya oxygen mu bitaro by’i Peshawar
7-12-2020 saa 17:07' | By UKWEZI | Yasomwe n'abantu 1366 | Ibitekerezo 1

Abarwayi batandatu ba coronavirus bapfiriye mu bitaro byo muri Pakistan nyuma yuko umwuka bahumeka wa oxygen wabaga mucye cyane mu bitaro.

Benewabo bavuze ukuntu batakambye basaba ubufasha ubwo habagaho guta umutwe muri ibyo bitaro bya leta byo mu mujyi wa Peshawar mu majyaruguru y’igihugu.

Gucyerererwa kuhageza undi mwuka abarwayi bahumeka, byatumye abarwayi barenga 200 bamara amasaha bari kuri oxygen nkeya.

Abakuru b’ibyo bitaro bashinje ibura ry’iyo oxygen kompanyi ishinzwe kuyihageza, ariko abakozi benshi b’ibyo bitaro bahagaritswe.

BBC dukesha iyi nkuru yavuze ko muri iki gihe Pakistan ihanganye n’ubwiyongere bw’abarwayi bashya. Muri Pakistan abantu barenga 400,000 banduye Covid-19, muri bo abarenga 8,000 batangajwe ko yabishe.

Nkuko ibitangazamakuru byo muri Pakistan bibivuga, ingorane ku bitaro bya kaminuza bya Khyber Teaching Hospital zatangiye ubwo umwuka mushya wa oxygen ugemurwa buri munsi wo mu myiburungushure (cylindres), utazanwaga ku wa gatandatu nimugoroba.

Undi mwuka w’ingoboka wo mu myiburungushure 300 ntabwo wari ugishoboye kwinjiza imbaraga zicyenewe ngo ibyuma byo kwifashisha mu guhumeka ku barwayi ba Covid-19 - bizwi nka ventilators (ventilateurs) - bishobore gukora.

Mureed Ali, ufite nyina urwaye Covid-19, yabwiye ishami rya BBC ritangaza ibiganiro mu rurimi rwa Urdu ko "mu bitaro hose, twarimo twiruka dutabariza abarwayi bacu, dutakambira abaganga".

Yasobanuye ko bamwe mu barwayi nyuma bagiye mu cyumba cy’indembe, ahari hasigaye oxygen.

Ariko ubwo naho oxygen yabaga nkeya, abarwayi benshi bapfuye, mu gihe abandi bo bahise bahuhuka bakajya mu cyiciro cy’indembe.
Abakozi bo muri ibyo bitaro bageze aho basaba benewabo b’abo barwayi kugerageza bakigurira oxygen bo ubwabo, nkuko Bwana Ali abivuga, ariko bamwe muri bo gusa ngo ni bo babishoboye.

Umuvugizi w’ibyo bitaro bya leta yabwiye BBC ko batanu mu barwayi bapfuye bari bari mu cyumba cy’abavurirwamo coronavirus, naho undi umwe ari mu cyumba cy’indembe. Abategetsi bavuga ko abapfuye bose bari abantu bakuru.

Ku cyumweru, mu gihe cyo ku isaha ya saa kumi za mu gitondo ku isaha yaho, ya oxygen yari yatinze kugera ku bitaro yashyize irahagera.

Abakuriye ibitaro bavuze ko iryo bura rya oxygen ari "icyaha cy’uburangare".

Iperereza ryasanze ko abakozi bagombaga kuba bari ahatunganyirizwa iyo oxygen ijyanwa ku bitaro batari bahari ubwo byabaga, kandi ko ingunguru (tank) ya oxygen buri gihe yabaga gusa icagase (igera mu cya kabiri).

Umuyobozi w’ibyo bitaro n’abandi bakozi benshi bamaze guhagarikwa ku kazi.


INKURU ZA :
Tanga Igitekerezo
Ibitekerezo 1
Ndikubimana daruyus Kuya 23-01-2021

Nuku ri ingayurwa zite igikorwakiza natwe aho turi dukomeje kwirinda kovd

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA