AMAKURU

UKWEZI
Canal+ christmax

Minisitiri yemeje ko kubyina Jerusalema birimo guha icyuho ubwandu bwa Coronavirus

Minisitiri yemeje ko kubyina Jerusalema birimo guha icyuho ubwandu bwa Coronavirus
20-10-2020 saa 10:04' | By Chief Editor | Yasomwe n'abantu 2784 | Ibitekerezo

Minisitiri w’ubuzima muri Kenya avuga ko atewe impungenge n’uko indirimbo ya Jerusalema iri gutuma abantu bareka amabwiriza yo kwirinda Covid-19 aho bidagadurira.

Mutahi Kagwe, yavuze ko umucezo wa Jerusalema abantu bawuceza mu tubari batitaye ku guhana intera.

Kurushanwa guceza Jerusalema - indirimbo yasohotse mu 2019 muri Africa y’Epfo iri mu rurimi rw’iki-Zulu - bimaze gukwira henshi ku isi muri iki gihe cya coronavirus.

Ku cyumweru, Bwana Kagwe yagize ati : "Numvise hari n’umucezo mushya ugezweho cyane mu tubari…Ko iyo Jerusalema igiyemo, amabwiriza yose [yo kwirinda covid] arasohoka. Rwose mwaceza Jerusalema ariko mukanahana intera".

Kuwa kabiri, biteganyijwe ko abadepite ba Kenya nabo basohora amashusho bari guceza uwo mudiho ugezweho ku isi.

Muri Kenya, abantu 44,881 bamaze kubasangamo Covid-19 naho 832 imaze kubica. Ku cyumweru minisiteri y’ubuzima yaho yatangaje abantu 616 bashya bayanduye kuwa gatandatu.

Muri iki gihugu utubari, amashuri n’isengero byongeye gufungurwa, nubwo hari umukwabu utegeka abantu kuba bari mu ngo zabo saa yine z’ijoro.

Source : BBC


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA