konka coffee
KONKA

AMAKURU

UKWEZI
Minijust

Sudan: Imyigaragambyo irakomeje ngo barashaka Perezida w’ umusivile

Sudan: Imyigaragambyo irakomeje ngo barashaka Perezida w’ umusivile
13-04-2019 saa 18:25' | By Nsanzimana Ernest | Yasomwe n'abantu 1043 | Ibitekerezo

Mu gihugu cya Sudani imyigaragambyo irakomeje, Omar al-Bashir yamaze gukurwa ku butegetsi ariko Umuryango wa Afurika yunze ubumwe wo wamaganye iryo hirikwa ry’ ubutegetsi.

Abigaragambya barasaba ko ubutegetsi bushyirwa mu maboko y’abasivile aka kanya, nyuma yaho igisirikare ku wa Kane gihirikiye ubutegetsi bwa Bashir wari umaze imyaka hafi 30 ku butegetsi kikanamuta muri yombi.

Ishyirahamwe ry’abakozi muri Sudani, ari na ryo riyoboye iyi myigaragambyo, ryatangaje ubutumwa ku rubuga nkoranyambaga rwa Facebook bugira buti: "Turasaba igisirikare gutuma aka kanya habaho ihererekanya ry’ubutegetsi bugahabwa leta ya gisivile".

Ebba Kalondo, umuvugizi w’umuryango w’ubumwe bw’Afurika, yavuze ko ubu igihe kigeze ngo impande zose ziganire.

Mu gisa nko kongera kugira ikindi gishya igisirikare gihara, Jenerali Salah Gosh wari ukuriye urwego rw’ubutasi yeguye.

Kwegura kwe kwatangajwe hashize amasaha Liyetona Jenerali Awad Ibn Auf, Minisitiri w’ingabo wayoboye itsinda ry’abasirikare bahiritse Bashir, na we ubwe yeguye.

Nta gisobanuro cyatanzwe ku mpamvu abo bombi beguye.

Ihirikwa ku butegetsi rya Bashir ryaje rikurikira imyigaragambyo imaze amezi 5. Iyi myigaragambyo yatangiye mu kwezi kwa cumi n’ abiri k’umwaka ushize wa 2018, abigaragambya binubira izamuka ry’ibiciro birimo n’iry’ibicuruzwa by’ibanze nkenerwa mu buzima, nk’igiciro cy’umugati n’icy’ibikomoka kuri peteroli.

Igisirikare gishaka kuguma ku butegetsi mu gihe cy’inzibacyuho y’imyaka ibiri izakurikirwa n’amatora.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...