konka coffee
KONKA

AMAKURU

UKWEZI

Raila Odinga utavuga rumwe na Kenyatta yahawe akazi muri AU iyoborwa na Perezida Kagame

Raila Odinga utavuga rumwe na Kenyatta yahawe akazi muri AU iyoborwa na Perezida Kagame
20-10-2018 saa 12:58' | By Chief Editor | Yasomwe n'abantu 4139 | Ibitekerezo

Raila Odinga, Umunyapolitiki utavuga rumwe n’Ubutegetsi bwa Perezida Uhuru Kenyatta wa Kenya, yahawe akazi mu muryango wa Afurika Yunze Ubumwe (AU) uyoborwa na Perezida Paul Kagame w’u Rwanda, uyu mwanya yahawe ukaba umuha inshingano zo guteza imbere ibikorwaremezo ku mugabane wa Afurika.

Itangazo ryashyizwe ahagarara mu gitondo cyo kuri uyu wa Gatandatu tariki 20 Ukwakira 2018, rivuga ko Raila Odinga yahawe umwanya na Moussa Faki Mahamat uyobora Komisiyo y’uyu muryango wa Afurika Yunze Ubumwe, akaba yamugize umuyobozi mukuru ushinzwe iterambere ry’ibikorwaremezo muri Afurika (High Representative for Infrastructure Development in Africa).

Moussa Faki Mahamat avuga ko uyu mwanzuro ushingiye ku ntumbero y’Umuryango wa Afurika Yunze Ubumwe yo guteza imbere umugabane wa Afurika hashingiwe ku bikorwaremezo mu rwego rwo kugeza ku batuye uyu mugabane iterambere rirambye mu by’ubukungu.

Raila Odinga afite inshingano zo gukorana n’inzego za Komisiyo y’Umuryango wa Afurika Yunze Ubumwe mu bikorwa bigamije guteza imbere ibikorwa remezo bizatuma ibuhugu bya Afurika bikomeza gutera intambwe yisumbuyeho mu buhahirane n’imigenderanire.

N’ubwo Raila Odinga asanzwe azwi cyane nk’urwanya ubutegetsi bwa Uhuru Kenyatta, Moussa Faki Mahamat uyobora Komisiyo y’uyu muryango wa Afurika Yunze Ubumwe yavuze ko ashimira Perezida Kenyatta wamushyigikiye kugirango afate iki cyemezo cyo guha Raila Odinga uyu mwanya ukomeye kandi witezweho byinshi ku iterambere rya Afurika.

Raila Odinga afite ubunararibonye mu by’ubuyobozi na Politiki yo guteza imbere abaturage, uretse kuba yarabaye mu Nteko Ishinga amategeko ya Kenya, yanabaye muri Minisiteri zitandukanye zirimo ishinzwe ingufu, imihanda, imirimo rusange ndetse n’imiturire kuva muri 2001 kugeza muri 2005. Yanabaye kandi Minisitiri w’Intebe wa Kenya kuva muri 2008 kugeza muri 2013.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...