konka coffee
KONKA

AMAKURU

UKWEZI
Minijust

Perezida Tshisekedi yababariye imfungwa amagana zirimo iyari kwicwa

Perezida Tshisekedi yababariye imfungwa amagana zirimo iyari kwicwa
14-03-2019 saa 09:56' | By Nsanzimana Ernest | Yasomwe n'abantu 2745 | Ibitekerezo

Perezida wa Repubulika ya Demukarasi ya Kongo yahaye imbabazi imfungwa 700 zirimo umunyamategeko Firmin Yangamb watawe muri yombi muri 2009 agakatirwa igihano cy’urupfu muri 2010 n’umunyapolitiki utavuga rumwe n’ubutegetsi witwa Franck Diongo.

Itangazo riha imbabazi izi mfungwa 700 Vital Kamerhe, Umuyobozi w’ibiro bya Perezida mushya wa Repubulika ya Demokarasi ya Kongo, Felix Tshisekedi, yarisomeye kuri televiziyo y’ igihugu kuri uyu wa Gatatu.

Ubwo yiyamamazaga mu mpera z’ umwaka ushize , Perezida Felix Tshisekedi yari yarasezeranyije imfungwa za politiki ko azazibabarira natorwa.

Firmin Yangambi yaregwaga gufunga abasirikare binyuranyije n’ amategeko n’ umugambi yo guteza umutekano muke.

Umunyapolitiki utavugarumwe n’ ubutegetsi Franck Diongo we yatawe muri yombi muri 2016 akuriranyweho gufungira ahantu hatazwi abarinzi batatu ba Perezida, ariko we akabihakana.

Vital Kamerhe yanavuze ko abantu bose batawe muri yombi mu myigaragambyo yo guharanira demukarasi hagati ya 2015 na 2018 bose bababariwe.

Yakomeje avuga ko izi mfungwa 700 zahawe imbabazi za Perezida zirekurwa bidatinze.

Perezida Tshisekedi ni Perezida watowe mu mahoro nyuma y’ imyaka irenga 50 muri iki gihugu cye hataba ihererekanya bubasha mu mahoro.

Akimara zimwe mu nyeshyamba zahise zishyira intwaro hasi mu rwego rwo kumwereka ko zimushyigikiye.

Hari icyizere ko umubano w’ u Rwanda na Kongo Nshinshasa uzaba mwiza cyane ku butegetsi bwa kuko Perezida w’ u Rwanda Paul Kagame aherutse kwakira Vital Kamerhe bagirana ibiganiro byibanze ku kunoza umubano w’ibihugu byombi. Ibi biganiro byabereye mu Kigo cy’imyitozo cya gisirikare cya Gabiro mu Karere ka Gatsibo.

Muri ibyo biganiro hanagarutswe ku ngendo z’abakuru b’ibihugu, nk’umusaruro uzakomoka ku mibanire myiza ibihugu byombi bifitanye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...