AMAKURU

UKWEZI
ubumwe

Perezida Trump yatumiwe mu rubanza rwo kumweguza

Perezida Trump yatumiwe mu rubanza rwo kumweguza
27-11-2019 saa 12:05' | By Nsanzimana Ernest | Yasomwe n'abantu 2948 | Ibitekerezo 2

Inteko ishinga amategeko y’Amerika yatumiye Perezida Donald Trump mu rubanza rwa mbere rwo kumweguza ruzaba ku itariki ya kane y’ukwezi gutaha kwa cumi na kabiri.

Jerrold Nadler, ukuriye akanama k’ubucamanza k’abo mu ishyaka ry’abademokarate mu nteko ishinga amategeko, yavuze ko Perezida Trump ashobora kwitabira ubwo butumire, cyangwa se "akarekeraho kwinubira uburyo igikorwa cyo kumweguza kiri kugenda".

Naramuka yitabiriye ubwo butumire, Perezida Trump azashobora guhata ibibazo abatangabuhamya.

Icyo gikorwa cyo mu kwezi gutaha kizaba kibimburiye icyiciro gikurikiraho kijyanye n’iperereza ryo kumweguza.

Rishingiye ku kiganiro cyo kuri telefone cyo mu kwezi kwa karindwi hagati ya Perezida Trump na Perezida wa Ukraine Volodymyr Zelensky.

Muri icyo kiganiro, Perezida Trump yasabye Perezida Zelensky gukora iperereza kuri Joe Biden, kuri ubu uyu akaba ari we uza imbere mu bashobora guhagararira ishyaka ry’abademokarate mu matora yo mu 2020.

Muri icyo kiganiro kandi, Perezida Zelensky yanasabwe gukora iperereza kuri Hunter Biden, umuhungu wa Joe Biden, mbere yaho wari warakoze muri kompanyi Burisma y’ingufu z’amashanyarazi yo muri Ukraine.

Iryo perereza riri kureba niba Bwana Trump yarakoresheje igikangisho cyo gufatira inkunga ya gisirikare igenewe Ukraine nk’uburyo bwo kuyotsa igitutu ngo ikore iperereza kuri ba Biden bombi.

Perezida Trump ahakana avuga ko nta kibi yakoze, akavuga ko iryo perereza ari uburyo gusa bwo kumwibasira.

BBC


INKURU ZA :
Tanga Igitekerezo
Ibitekerezo 2
KAZUNGU emmanuel Kuya 29-11-2019

ese Ubuntu ashaka Kujya abona amakuru yanyu byihuse yabigenza it’s?

KAZUNGU emmanuel Kuya 29-11-2019

ese Ubuntu ashaka Kujya abona amakuru yanyu byihuse yabigenza it’s?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...