konka coffee
KONKA

AMAKURU

UKWEZI
ubumwe

Perezida Kenyatta wari ukurikiwe cyane kuri Twitter yahagaritswe kuri S.Media

Perezida Kenyatta wari ukurikiwe cyane kuri Twitter yahagaritswe kuri S.Media
23-03-2019 saa 19:24' | By Nsanzimana Ernest | Yasomwe n'abantu 3191 | Ibitekerezo

Perezida wa Kenya Uhuru Kenyatta konti ze yakoreshaga ku mbuga nkoranyambaga zahagaritswe, nyamara niwe mu Perezida muri Afurika wakurikirwaga cyane kuri Twitter ikunze gukoreshwa cyane n’ abanyapolitiki.

Uyu mukuru w’ igihugu wakurikirwaga na miliyoni 3.62 kuri Twitter birakekwa ko konti ye yahagaritswe. Iyi konti yari verified bivuze ko yagenzuwe bikemezwa ko uyikoresha ariwe nyirayo UKenyatta, iyo uyishakishije uhabwa igisubizo kigira kiti "Sorry, that page doesn’t exist!"(ihangane iyo page ntibaho).

Paje ye ya facebook nayo yahagaritswe nyuma y’ ihagarikwa rya konti ye kuri Twitter. Kugeza ubu nta bisobanuro biratangwa ku mpamvu iyi konti yahagaritswe. Kuri uyu wa 22 Werurwe hatangajwe inkuru ivuga ko imibare y’ ibanga y’ abantu miliyoni 600 yabonywe n’ abakozi ibihumbi 20 ba kampani y’ itumanaho ya facebook.

Nzioka Waita, Ukuriye abakozi muri Perezidansi ya Kenya yatangaje ko imbuga nkoranyambaga za Perezida Kenyatta zakuwe ku murongo kugira ngo zivugururwe.

Hari andi makuru avuga ko Perezida Kenyatta yaba yakuye ku murongo imbuga nkoranyambaga ze kugira ngo yirinde guterana amagambo na Visi Perezida we William Ruto ku kibazo cya ruswa.

Si ubwa mbere imbuga nkoranyambaga za Perezida cyangwa iza Perezidansi zikuwe ku murongo kuko muri Nyakanga 2018 twitter @PresidentKE na @PSCU_Digital zakuwe ku murongo kubera gutinya guhakingwa.

Perezida Kenyatta ari mu murwa mukuru wa Namibia, Windhoek, mu butumwa bw’akazi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...