AMAKURU

UKWEZI

Netanyahu n’umugore we bongeye gusabirwa gukurikiranwa ku byaha bya ruswa

Netanyahu n’umugore we bongeye gusabirwa gukurikiranwa ku byaha bya ruswa
3-12-2018 saa 08:13' | By Vincent Nsengiyumva | Yasomwe n'abantu 562 | Ibitekerezo 1

Polisi ya Israël yongeye gusaba ko Minisitiri w’Intebe, Benjamin Netanyahu n’umugore we Sara bakorwaho iperereza ku byaha bifitanye isano na ruswa bakekwaho.

Ibyaha bakekwaho ni ibyo korohereza ishyirahamwe ry’itumanaho rikorera muri iki gihugu ryuitwa Bezeq, maze risabwa gutangaza no gukwirakwiza amakuru meza yerekeye umuryango wa Netanyahu.

Itangazo ryashyizwe ahagaragara na polisi y’iki gihugu rivuga ko abayobozi babonye ibimenyetso byerekana ko Netanyahu yakiriye ruswa, agashyigikira forode ndetse akica n’inshingano ze nkuko bikubiye mu kirego cyiswe 4000.

BBC itangaza ko Netanyahu yahakanye ibyo ashinjwa byose agaragaza ko ntaho ahuriye n’ikijyanye na ruswa cyose.

Abinyujije ku rukuta rwe rwa Twitter yagize ati “Ubusabe bwashyizwe hanze mbere y’uko iperereza ritangira. Nizeye ko kuri iki kirego, abayobozi nibamara kubisuzuma bazanzura ko nta kintu cyabaye kuko nta gihari.”

Umucamanza Mukuru wa Israël yatangaje ko agiye gukurikirana ibi birego maze arebe niba bifite ishingiro maze agezwe imbere y’inkiko.

Mu kwezi kwa Gashyantare , polisi yo muri iki gihugu yari yasabye ko Netanyahu akurikiranwa ku bindi birego bibiri bifitanye isano na ruswa.

Kuri iki Cyumweru tariki ya 2 Ukuboza 2018, Polisi ya Israël hamwe n’urwego rukurikirana imitungo ya rubanda bavuze ko hagomba gufatwa ingamba mu gukurikirana Netanyahu ku byaha bya ruswa na forode bihora bimuvugwaho we n’umugore we.

Si ubwa mbere Netanyahu n’umugore we bashinjwe ibyaha bya ruswa


INKURU ZA :
Tanga Igitekerezo
Ibitekerezo 1
sezikeye Kuya 3-12-2018

Ntabwo ari Netanyahu wenyine urya Ruswa.Abantu benshi bakira babanje gukora amanyanga.Abantu twumva ko ubuzima ari ifaranga gusa.Nyamara turibeshya.Tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye “gushaka mbere na mbere ubwami bw’imana†nkuko Matayo 6:33,aho kwibera mu byisi gusa.Abantu bumvira iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye muli Yohana 6:40.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...