konka coffee
KONKA

AMAKURU

UKWEZI

Perezida Nkurunziza ngo ntiyaje mu nama ya AU i Kigali kubera kutizera umutekano we

Perezida Nkurunziza ngo ntiyaje mu nama ya AU i Kigali kubera kutizera umutekano we
22-03-2018 saa 11:53' | By Vincent Nsengiyumva | Yasomwe n'abantu 6650 | Ibitekerezo 5

Perezida Pierre Nkurunziza w’Uburundi ntiyitabiriye inama y’abakuru b’ibihugu na za guverinoma yabereye i Kigali mu Rwanda yari igamije gusinya amasezerano y’ishyirwaho ry’isoko rihuriweho muri Afurika, aho yavuze ko yabitewe n’uko atari yizeye umutekano we mu Rwanda.

Perezida Nkurunziza ni umwe mu ba Perezida bo ku mugabane wa Afurika batasinye ku masezerano ashyiraho isoko rusange ry’ibi bihugu, AfCFTA, kuko atageze i Kigali aho abandi bakuru b’ibihugu bari bahuriye ndetse ntiyanohereza umuhagarariye muri uyu muhango w’amateka ku mugabane wa Afurika wabaye tariki 21 Werurwe 2018.

Abinyujije mu ibaruwa yandikiye Umuyobozi wa komisiyo yunze ubumwe bw’afurika, Moussa Faki Mahamat, Perezida Nkurunziza yasobanuye ko impamu nyamukuru yatumye atitabira iyi nama mu Rwanda ari uko atizeye umutekano we mu Rwanda.

Muri iyo baruwa umukuru w’igihugu cy’Uburundi Nkurunziza ashinja u Rwanda kugambanira igihugu cyabo no gutera inkunga abarwanya leta ye bityo ko ngo atakizera umutekano yabona mu Rwanda aramutse ahageze, cyane ko ngo u Rwanda rwahaye ubuhunzi abashatse guhirika ubutegetsi bwe ku wa 13 Gicurasi 2015.

Muri iyi baruwa kandi Nkurunziza ashinja u Rwanda kurenga ku masezerano mpuzamahanga rwateyeho umukono, ngo rwigisha ibya gisirikare impunzi z’Abarundi zirimo n’abana ngo amahanga arebera ariko ntirubihanirwe.

Alain Diomede NZEYIMANA,Umuvugizi wungirije w’Umukuru w’Uburundi yatangarije ijwi ry’Amerika ko badashobora kohereza intumwa mu gihugu runaka mu gihe nta mutekano wabo baba bizeye.

Yavuze ko Uburundi kuba butaritabiriye inama mu Rwanda bitavuze ko batazasinya ku masezerano y’ishyirwaho ry’isoko rihuriweho muri Afurika, asobanura ko ababishinzwe bazicara maze babyigeho, nibabona bifitiye inyungu abanyagihugu nabo bayasinyeho.

JPEG - 69.2 kb
JPEG - 40.4 kb

Ibaruwa Perezida Nkurunziza yandikiye Umuyobozi wa komisiyo yunze ubumwe bw’afurika, Moussa Faki Mahamat


INKURU ZA :
Tanga Igitekerezo
Ibitekerezo 5
M Kuya 28-03-2018

ibaze itangazo ritariho stamp. yayayaya. iyi bayita tracte. leta nzima yabuze kashe.

nikiza Kuya 26-03-2018

ntakza kagam paul yipfuriza uburundi ninayo mpamvu przida dukunda t8shimiy kuba atagiy mugihugu c’itipfuriza ineza ibindi bihugu harimo n’uburundi na can can

Claude Kuya 22-03-2018

Ariko koko mwa banyarwandamwe mwoturekeye prezida!ubu se kuba ataje mwebwe birabaraba?biragaragarako hariho ico mwari mwamuteguriye co kumugirira nabi.

gakuba Kuya 22-03-2018

IBAZE KO U RWANDA NGO RUTASHOBORA KURINDA UMUTEKANO WA NKURUNZIZA! !!!!BARINDE UWIBIHANGANGE..BYA BAPEREZIDA BAMURENZE WE NTA WIZEYE AHUBWO UBWE NTIYIZEYE URETSE HANO SE AHANDI AJYA NIHE! !!!!!!NAVUGE KO ATAWIZEYE. IWE KO AHAVUYE ATAGARUKA! !!!!AREKE KWITWAZA U RWANDA *

hakizimana Kuya 22-03-2018

Ntabwo mubivuze neza nk’uko we yabyivugiye byose kandi natwe twabyiyumviye ku ijwi ry’amerika bavugako ntabwisanzure bw’itangazamakuru mugira ngo barabeshya.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...