AMAKURU

UKWEZI

Perezida Museveni yasobanuye iby’igipfuko ku kiganza cye cyakuruye impaka

Perezida Museveni yasobanuye iby’igipfuko ku kiganza cye cyakuruye impaka
3-04-2018 saa 08:40' | By Akayezu Jean de Dieu | Yasomwe n'abantu 7417 | Ibitekerezo 1

Kuwa 25 Werurwe 2018, Perezida Museveni yagaragaye asuhuza Perezida Paul Kagame n’ikiganza gihambiriyeho ibipfuko bakoresha ku muntu wagize igikomere cyangwa wavunitse (bande). Ibi byakuruye impaka ndende ndetse ku mbuga nkoranyambaga abantu batandukanye babigarukaho, uyu mukuru w’igihugu akaba yasobanuye iby’uko yari yavunitse ari mu myitozo ya Karate.

Perezida Museveni yavuze ko akunda gukina umukino wa Karate bityo akenshi akunze kuvunikira mu myitozo ari nako byagenze ubwo yari mu myitozo iheruka akavunika ikiganza cy’iburyo mu gihe yiteguraga kwakira mugenzi we w’u Rwanda.

Abinyujije ku rukuta rwe rwa Twitter yasubije abamukurikira barimo uwitwa Tom Olarker wari umubajije iki kibazo, aho yavuze ko kuva mu 1976 akunda gukina uyu mukino wa Karate ariko akaba afite ikibazo cy’uko akunda kuvunika ikiganza ari nako byagenze kuri iyi nshuro.

Perezida Museveni yavuze kandi ko uyu mukino wa karate umufasha cyane mu buryo bwo kwirindira umutekano kuko akenshi ngo n’iyo ari mu biro bye ahanini mu masaha y’ijoro anyuzamo agakomeza imyitozo.

Muri 2015, Perezida Yoweri Kaguta Museveni wa Uganda yafotowe asuhuza n’ikiganza cy’ibumoso Barack Obama wayoboraga Amerika ubwo yari i New York mu ruzinduko rw’akazi. Icyo gihe bwo yanasobanuye ko yavunwe n’umuryango w’imodoka ye ubwo yinjiragamo yihuta cyane.

Perezida Mseveni kandi yabajijwe n’abamukurikira niba haba hari umuntu wamukubise akamukomeretsa ikiganza avuga ko ari impanuka yabaye atari uwamuvunnye. Perezida Muveseni afite igipfuko ku kiganza, yavuze ko yari yavunitse ari mu myitozo ya karate


INKURU ZA :
Tanga Igitekerezo
Ibitekerezo 1
bimawuwa Kuya 3-04-2018

Hahaha yego nta na shep kabisa ya karate ahubwo afite ibindi ahishe ko ukunze gukomereka ikiganza cyu buryo gusa.

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...