AMAKURU

UKWEZI

Leta y’u Burundi yafunze ibiganiro bya BBC n’Ijwi ry’Amerika

Leta y’u Burundi yafunze ibiganiro bya BBC n’Ijwi ry’Amerika
4-05-2018 saa 14:52' | By Vincent Nsengiyumva | Yasomwe n'abantu 1289 | Ibitekerezo

Inama nkuru y’itangazamakuru mu Burundi (CNC) yafunze ibiganiro byose bya Radiyo BBC n’Ijwi rya Amerika (VOA) mu gihe cy’amezi atandatu , zikaba zishinjwa kutubahiriza amategeko agenga umwuga muri iki gihugu.

Ibi byagaragaye mu itangazo ryashyizwe ahagaragara na CNC kuri uyu wa Gatanu tariki ya 4 Gicurasi 2018, rivuga ko aya maradiyo mpuzamahanga yombi, BBC na VOA yafungiwe ibiganiro byose mu gihugu cy’u Burundi.

Muri iri tangazo kandi, iyi nama nkuru y’itangazamakuru yanavuze ko uretse aya maradiyo yafunzwe, ngo hari izindi zihanangirijwe ku buryo nazo zishobora gufungirwa mu gihe zitisubiyeho.

Icyemezo cyo gufunga ibi bitangazamakuru cyafashwe ku busabe bwa Leta y’u Burundi, aho ngo BBC yazize gutangaza ibiganiro bibiba urwango, ndetse n’ibiharabika Umukuru w’igihugu naho VOA yo ngo ikaba yazize ko yatambutsaga bimwe mu biganiro byayo ku murongo wa internet yifashishije radiyo itemewe gukorera mu Burundi.

Iri tangazo riikomeza rigaragaza Radio zihanangirijwe bikomeye, nka Isanganiro na CCIB-FM Plus zikorera imbere mu gihugu ndetse na Radio Mpuzamahanga y’Abafaransa RFI, aho nazo zishinjwa gukora amakosa atandukanye arimo no gutangaza amakuru atabanje kugenzurwa, n’ibindi bitandukanye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...