AMAKURU

UKWEZI
ubumwe

Muri kiliziya Gatolika amadosiye y’ ihohotera rishingiye ku gitsina yarazimanganyijwe

Muri kiliziya Gatolika amadosiye y’ ihohotera rishingiye ku gitsina yarazimanganyijwe
23-02-2019 saa 19:49' | By Nsanzimana Ernest | Yasomwe n'abantu 724 | Ibitekerezo 1

Mu gihe umushumba mukuru wa Kiliziya gatolika ku Isi Papa Francis aherutse kwemera ko hari abakuru ba kiliziya basambanyije ababikira, umukaridinali ukomeye ubwo yari mu nama i Vatikani yavuze ko amadosiye yerekana ihohotera rishingiye ku gitsina yazimanganijwe.

Kardinali Reinhard Marx ukomoka mu gihugu cy’Ubudage yamenyesheje abari muri iyo nama yo kwiga ku cyaha cyo gushurashuza abana b’abahungu gishinjwa abihaye Imana ko n’amategeko amategeko atubahirijwe.

yagize ati: " Amadosiye yari kwerekana ayo mabi n’abayakoze yarazimanganijwe, andi ntiyakorwaho iperereza, ababikorewe nabo baracungwa kandi bategekwa kunuma".

Avuga ko uburenganzira bw’abakorewe icyo cyaha butubahirijwe, agasaba umucyo nyawo k’ uburyo kiliziya gatolika igiye gushakira umuti icyo kibazo.

Kuri we, ibintu bigiye ahabona nta kibi kirimo, ahubwo ikibi ngo ni uko byakorwa hanyuma bikaguma bikingirwa ikibaba.

Iyo nama rukokoma y’iminsi ine yitabiriwe n’ abasenyeri 190 bava mu bihugu bitandukanye.

Kiliziya gatolika yugarijwe n’ikibazo cy’ihohotera rishingiye ku gitsina rigirirwa abana n’ abana b’ abahungu, aho abakorewe icyo cyaha bayishinja ko yananiwe gushakira umuti iki kibazo.
Ku wa Gatanu, Karidinali Marx umwe mu bajyanama icyenda ba Papa, bazwi ku izina rya C9 - yabonanye n’abakorewe ayo mabi bakiriho hamwe n’abagize ishyirahamwe urwanya ayo mabi ‘Ending Clergy Abuse’.

Amagana y’abayakorewe bari myigaragambyo hanze ya Vatikano, basaba ko iyo ngeso itakwihanganirwa.

Iyo nama yatumijwe na Papa Francis, uherutse kwemeza mu ntangiriro z’ uku kwezi ko ihohotera rishingiye ku gitsina ry’ababikira ryakozwe n’abihaye Imana ryabayemo ukubagira abaja babo.

Mu cyumweru gishize, uwahoze ari umukaridinali wa Ekeleziya gatolika yakuwe muri izo nshingano kubera ibirego by’ihohotera rishingiye ku gitsina.


INKURU ZA :
Tanga Igitekerezo
Ibitekerezo 1
rekeraho Kuya 25-02-2019

Kuba muli Gatolika abapadiri n’abasenyeri nyamwinshi bagwa mu cyaha cy’ubusambanyi,biterwa nuko birengagiza itegeko ry’imana rivuga ko “Niba unaniwe kwifata ugomba kurongora†.Byisomere muli 1 Abakorinto 7:9.Nubwo Gatolika ivuga ngo Petero niwe Paapa wa mbere kandi ataribyo,Bible ivuga ko Petero yali afite umugore. Ndetse YESU yavuye Nyirabukwe wa Petero.Byisomere muli Matayo 8:14.Abapadiri ibihumbi n’ibihumbi ku isi baregwa gusambanya abana n’abagore.Muribuka Abasenyeri 34 bo muli Chili bose baherutse kwegura kubera ubusambanyi.Cyangwa Cardinal George PELL wo muli Australia,Vatican’s number 3,ushinzwe Amafaranga yose yo kwa Paapa.Ashinjwa ubusambanyi n’abantu 50 yabikoreye.Abenshi ni Choir Boys.Utibagiwe na Cardinal Donald WUERL hamwe n’uwo yasimbuye,Cardinal Theodore Edgar Mc CARRICK,bombi bayoboye Archdiocese ya Washington DC.Nabo bashinjwa ubusambanyi.Mu gitabo yise “In the Closet of the Vatican†,umushakashatsi witwa Frederic Martel,yakoze anketi mu bantu 1 500 bakora cyangwa bigeze gukora muli Vatican,barimo aba Cardinals 41, abasenyeri n’abacamanza 52, ba ambasaderi ba Papa 45, abarinzi ba Papa 11 bakomoka mu Busuwisi,abapadiri 200,bamubwira ko 80% by’Abapadiri b’I Vatican baryamana n’abo bahuje igitsina.Nyamara Gatolika yigisha ko ariyo "Kiliziya yonyine itunganye".

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...