AMAKURU

UKWEZI

Apôtre yahaye umugore we impano z’agatangaza ku isabukuru ye, anamusezeranya indege

Apôtre yahaye umugore we impano z’agatangaza ku isabukuru ye, anamusezeranya indege
28-02-2018 saa 17:27' | By Vincent Nsengiyumva | Yasomwe n'abantu 6294 | Ibitekerezo

Umuvugabutumwa ukomeye cyane, Apôtre Johnson Suleman uyobora itorero ryitwa Omega Fire Ministries Worldwide, rifite icyicaro mu gace ka Auchi, muri Leta ya Edo mu gihugu cya Nigeria, yakoreye agashya umugore we witwa Dr Lizzy Johnson Suleman ku munsi w’isabukuru ye y’amavuko amuha impano z’akataraboneka anamwemerera kuzamugurira insdege bidatinze.

Mu mpano z’agatangaza Apôtre Johnson Suleman yageneye umugore we, harimo igorofa y’ubucuruzi, Sitasiyo y’amavuta y’imodoka ndetse n’ikompanyi y’imodoka zitwara abantu muri aka gace.

Izi mpano zidasanzwe uyu muvugabutumwa yazigeneye umugore we ku Cyumweru tariki 25 Gashyanare, mu birori by’akataraboneka byari byatumiwemo abayoboke b’itorero rye ryitwa Omega Fire Ministries.

Abari mu birori by’isabukuru ya Dr Lizzy Johnson Suleman ntibatunguwe n’impano z’akataraboneka yahawe n’umugabo we, cyane ko ari umuntu basanzwe baziho gutanga impano ku nshuti ze ndetse n’abamuhora hafi kandi akaba akunzze gutanga impano zihenze cyane.

Umwaka ushize Dr. Lizzy Suleman yizihije isabukuru ye y’amavuko asangira n’abana b’imfubyi, basangira impano yari yabageneye yari ifite agaciro k’amamiliyoni menshi y’ama Naira [ifaranga rikoreshwa muri Nigeria]. Kuri uwo munsi w’isabukuru kandi, mu ijoro ryawo yatumiye aba pastier bakuru bo mu itorero rya Omega Fire Ministries ndetse n’inshuti zabo zose bakora umusangiro watwaye akayabo.

Mu biranga isabukuru y’uyu mugore wa Apôtre Johnson Suleman harimo no gufasha abana batandukanye batifashije, akabarihire amashuri n’ibindi byose nkenerwa ku ishuri, ndetse akagira n’abandi agenera ubufasha [bourse] yo gukomeza amasomo yabo muri za Kaminuza.

PNG - 563.8 kb

Ibi ni bimwe mu bigize impano Apôtre Johnson Suleman yageneye umugore we Dr. Lizzy Suleman yagize isabukuru y’amavuko

JPEG - 85.7 kb

Apôtre Johnson Suleman n’umugore we Dr. Lizzy Suleman

JPEG - 97.4 kb

Ibyishimo byari byose kuri Apôtre Johnson Suleman n’umugore we

JPEG - 74.5 kb

Bakoze ibirori by’agatangaza


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...