Inzego zishinzwe iperereza muri Repubulika Iharanira Demokarasi ya Congo, zataye muri yombi umunyamakuru w’Umunyamerika, Stavros Nicolas Niarchos, ashinjwa kubonana n’imitwe yitwaje intwaro mu Majyepfo y’Uburasirazuba bw’iki gihugu.

Uyu munyamakuru yafatanywe na mugenzi we wo muri RDC ku wa Gatatu i Lubumbashi bajyanwa i Kinshasa mu Murwa Mukuru w’igihugu.

Niarchos afungiye mu biro bishinzwe iperereza i Kinshasa nk’uko inkuru ya VOA ibivuga. Umwe mu bayobozi mu nzego za leta ya RDC yemeje aya makuru.

Afite imyaka 33 akaba yari asanzwe yandika mu binyamakuru byo muri Amerika nka ‘The Nation’ na ‘The Yorker’. Ashinjwa ko yabonanye n’abarwanyi bitwaje intwaro barimo Bakata Katanga.