konka coffee
KONKA

AMAKURU

UKWEZI

Uganda: Impamvu yo gutoranya umugore ufite ikibuno kinini ntivugwaho rumwe

Uganda:  Impamvu yo gutoranya umugore ufite ikibuno kinini ntivugwaho rumwe
6-02-2019 saa 15:27' | By Nsanzimana Ernest | Yasomwe n'abantu 2522 | Ibitekerezo 1

Mu murwa mukuru Kampala hatangijwe irushanwa ry’abagore bafite ikibuno giteye neza. Umunyamabanga wa Leta muri Minisiteri y’ubukerarugendo witwa Godfrey Kiwanda avuga ko bizongera umubare w’abasura Uganda baje ‘kureba imiterere y’ibibuno’ by’abagore b’aho.

Uyu mushinga watangirijwe i Kampala ku wa 5 Gashyantare 2019, wahuriranye no gutangaza irushanwa rizatoranya abagore bafite iyi miterere yifuzwa. Abemerewe kwitabira ni abari hagati y’imyaka 18 na 35.

Daily Monitor yatangaje ko ba mukerarugendo benshi basura Uganda, banyurwa no gutemberera muri pariki aho bareba ubwoko butandukanye bw’inyamaswa nk’ingagi, inyoni n’izindi. Ahandi hantu nyaburanga hasurwa cyane harimo Umugezi wa Nile, ibiyaga byo hejuru ku birunga, imisozi n’ahandi.

Guverinoma ya Uganda ibinyujije muri Minisiteri y’Ubukerarugendo isanga gukoresha abagore bafite ibibuno binini ari uburyo bwiza kandi bwizewe buzakurura ba mukerarugendo benshi, bukaninjiza amadevize.

Umuyobozi w’Irushanwa rya ‘Miss Curvy’, Ann Mungoma, yizeye ko abagore nibahishura impano zabo, bizongera ubwamamare no kwishimirwa kw’Abanya-Uganda.

Ati “Miss Curvy ni igikorwa kizagaragaza ubwiza bw’umugore nyakuri w’Umunyafurika. Ni igikorwa cy’umwihariko kizafasha abagore bato kwerekana ubwiza bw’imibiri n’ubwenge bwabo.’’

Imwe mu miryango y’abagore iharanira uburenganzira bwa muntu yamaganiye kure iri rushanwa ivuga ko rizahinduka uburyo bwo gufata abagore nk’ibikinisho byo gushimisha ba mukerarugendo

Primrose Murungi yagize ati: “Ku giti cyanjye ndumva biriya bintesha agaciro. Ibi ni ukutwandagaza. Byari bisanzwe ko muri iki gihugu umugore wihitira bamufata ku ngufu none Leta igiye no kubyemeza bige mu itegeko ko umugore ari igikoresho cyo gukurura ba mukerarugendo?”

Yasabye ko ririya rushanwa rihagarikwa kandi Minisitiri Kiwanda agasaba imbabazi abagore kuko ariwe wazanye igitekerezo cyo kubandagaza.

Murungi yasabye bagenzi be gusinya inyandiko isaba ko ririya rushanwa rihagarara, ikaba inasaba ko Minisitiri Kiwanga abasaba imbabazi


INKURU ZA :
Tanga Igitekerezo
Ibitekerezo 1
Jolie Kuya 6-02-2019

Abagore ba uganda babaye ibyiza nyaburanga nabo se nkingagi ba di??nuguteshagaciro igitsinagore pe

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...