AMAKURU

UKWEZI
ubumwe

Menya icyatumye Brazil yanga kwakira miliyoni 20$ yahawe na G7 ngo ziyifashe kuzimya ibihaha by’ Isi

Menya icyatumye Brazil yanga kwakira miliyoni 20$ yahawe na G7 ngo ziyifashe kuzimya ibihaha by’ Isi
27-08-2019 saa 07:44' | By Nsanzimana Ernest | Yasomwe n'abantu 6921 | Ibitekerezo

Hashize iminsi ishyamba rya Amazon ryibasiwe n’ inkongi. Iri shyamba gushya kwaryo kwababaje benshi kuko ariryo shyamba ritunganya igice kinini cy’ umwuka wa oxygen abantu n’ inyamaswa bahumeka, niyo mpamvu iri shyamba baryita ibihaha by’ Isi.

Nubwo iri shyamba rikirimo gushya igihugu cya Brazil cyoherejemo ingabo zacyo ngo zihangane n’ iyi nkongi iri kwangiza ibihaha by’ Isi.

Kuri uyu wa Mbere tariki 26 Kanama 2019 nibwo iki gihugu cyanze inkunga cyari cyagenewe n’ ibihugu 7 bikize kurusha ibindi ku Isi mu rwego rwo kugitera ingabo mu bitugu mu kuzimya iyi nkongi imaze kwangira ishyamba rya Amazon ku buso bwa hegitari 950 000.

Onyx Lorenzoni umwe mu bayobozi bakuru muri Perezidanse ya Brazil "Inkunga turayishimye ariko ariya mafaranga u Burayi burayakeneye ngo bwongere butere amashyamba iwabo”.

Icyemezo cy’ ibi bihugu bikize cyo guha Brazil miliyoni 20 z’ amadorali yo gukoresha mu kuzimya inkongi cyafatiwe mu nama yabereye mu Bufaransa.

Lorenzoni yavuze ko Perezida Macron w’ u Bufaransa akeneye aya mafaranga mu gihugu cye by’ umwihariko.

Ati “Macron ntashobora no kuburizamo inkongi yibasiye urusengero rw’ umurage w’ Isi. Ni iki ashaka kwigisha igihugu cyacu?”.

Ibi yabivuze agendeye ku kuba rumwe mu nsengero za kiliziya gatolika rukomeye rufite amateka akomeye mu Isi ‘Notre-Dame cathedral’ mu kwezi kwa 4 uyu mwaka rwaribasiwe n’ inkongi.

Ibi uyu muyobozi wo muri Perezidanse yavuze si ibitekerezo bye kuko na Perezidanse ya Brazil yabishimangiye ubwo yaganiraga n’ Ibiro Ntaramakuru by’ Abafaransa AFP.

Minisitiri ushinzwe ibidukikije muri Brazil Ricardo Salles yari aherutse kuvuga ko inkunga ya G7 yo kubafasha kuzimya inkongi batazayisubiza inyuma.

Gusa nyuma yo gutangaza ko batazayisubiza inyuma Perezida wa Brazil, Bolsonaro n’ abaminisitiri be baricaye bahindura iki cyemezo cyo kwakira inkunga ya G7.

Hagati ya Brazil n’ Ubufaransa hahise hazamuka umwuka utari mwiza ubwo Perezida Macron yandikaga kuri Twitter ko ikibazo cy’ inkongi y’ umuriro yibasiye ikibaya cya Amazon ari ikibazo gikomeye mu Isi kigomba kuganirwaho mu nama ya G7.

Perezida wa Brazil ushinjwa kuba nyirabayazana w’ iyi nkongi ‘Bolsonaro’ yasubizanyije Macron uburakari ko ibyo avuze ari imyumvire ya gikoroni.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...