AMAKURU

UKWEZI
ubumwe

Hari banki yo mu Burundi ikurikiranyweho gufasha inyeshyamba zo muri Kongo

Hari banki yo mu Burundi ikurikiranyweho gufasha inyeshyamba zo muri Kongo
11-07-2019 saa 19:56' | By Nsanzimana Ernest | Yasomwe n'abantu 720 | Ibitekerezo

Abashinjacyaha mu Burundi barashinja banki ikorera muri iki gihugu yitwa ‘Interbank Burundi’ ko ifasha imitwe y’ iterabwoba irwanya u Burundi.

Ni inyuma y’aho mu cyumweru gishize abakozi b’ishami ry’ibanki Trust Merchant Bank riri Uvira muri Kongo bafatanywe amafaranga angana na 1.500.000 y’amadolari ku muhanda Bujumbura-Katumba.

Interbank Burundi yamaganiye kure ibyo iregwa. Mu rubanza rwabereye mu rukiko rwa Mukaza i Bujumbura, kuri uyu wa Gatatu, umushinjacyaha yavuze ko Interbank irimo guhungabanya ubutunzi bw’igihugu mu bikorwa byo guhanahana amafaranga y’agaciro na Trust Merchant Bank.

Interbank Burundi kandi iregwa ko ikora ibinyuranyije n’ amategeko ya banki nkuru y’ u Burundi arebana no guhanahana amadorali muri iki gihugu.

Ubushinjacyaha buvuga ko amakuru bufite yerekana ko amafaranga yafatiwe mu Gatumba yaba yari agiye gufasha imitwi yitwaje intwaro iri mu gihugu cya Kongo, ariko ko ari amakuru bagitohoza.

Ubushanjacyaha busaba ko iyo banki yahanisha ihazabu ya miliyari 44 z’ amarundi, ikongeraho indishyi z’akababaro zingana na miliyaridi 50 z’amafaranga y’amarundi yose agahabwa Leta y’ u Burundi.

Interbank Burundi ihakana ibyo birego, ikavuga ko igikorwa cyayo ari kuba umuhuza hagati ya Trust Merchant Bank isanzwe iri i Kinshasa n’ishami ryayo riri Uvira.

Ivuga ko ari igikorwa yari isanzwe ikora kuva mu mwaka wa 2014.

Naho kubyo ishinjwa ko ihungabanya ubutunzi bw’igihugu, abunganira Interbank Burundi mu mategeko barabihakana, bakavuga ko ibyo bituma igihugu kironka amafaranga y’agaciro.

Biteganyijwe ko urubanza ruzasomwa mu gihe kitarenze iminsi 10.

BBC


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...