AMAKURU

UKWEZI
pax

Abaregwa kwica umwirabura Floyd George bagejejwe imbere y’urukiko

 Abaregwa kwica umwirabura Floyd George bagejejwe imbere y’urukiko
30-06-2020 saa 22:08' | By Nsanzimana Ernest | Yasomwe n'abantu 1847 | Ibitekerezo

Muri Leta zunze ubumwe z’Amerika, abapolisi bane bashinjwa iyicwa ry’Umwirabura George Floyd bitabye umucamanza kuri uyu wa Mbere mu mujyi wa Minneapolis, muri leta ya Minnesota, mu burengerazuba bwo hagati bw’igihugu. Bavuze ko batemera ibyaha baregwa.

Umwe muri bo, Umuzungu witwa Derek Chauvin, ashinjwa icyaha cy’ubuhotozi. Ni we watsikamiye Floyd n’ivi ku gakanu ku italiki ya 25 y’ukwa gatanu gushize hafi iminota icyenda, Floyd ari ku mapingu aryamiye inda, kugera anogotse.

Bagenzi ba Chauvin batatu bashinjwa ubufatanyacyaha. Chauvin n’undi umwe muri bagenzi be baburana bafunze. Abandi babiri baburana bari hanze by’agateganyo nyuma yo gutanga ingwate y’amadolari ibihumbi 750.

Bazongera kwitaba umucamanza ku italiki ya 11 y’ukwezi kwa cyenda uyu mwaka.
Hagati aho, umucamanza yabwiye ababurana (umushinjacyaha n’ababuranira umuryango wa Floyd) ko urubanza rushobora kuzatangira mu mizi yarwo ku italiki ya munani y’ukwezi kwa gatatu k’umwaka utaha wa 2021.

Yabihanangirije ko bagomba guhagarika kuruvugaho mu itangazamakuru. Ati : "Urubanza rubera mu rukiko, ntirubera mu binyamakuru. Nimukomeza, nzarwimurira ahandi."


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...