AMAKURU

UKWEZI
pax

Umunyarwenya wa mbere mu Burundi yatsindiye igihembo gikomeye mpuzamahanga

Umunyarwenya wa mbere mu Burundi yatsindiye igihembo gikomeye mpuzamahanga
23-11-2019 saa 10:51' | By Nsanzimana Ernest | Yasomwe n'abantu 1849 | Ibitekerezo

Michael Sengazi umuhanga mu gusetsa mu Burundi no mu Rwanda yatsindiye igihembo cyitiriwe ’RFI Talent du Rire’ gitanzwe ku nshuro ya gatanu.

Sengazi ni umuhanga mu gusetsa wavukiye i Gitega mu Burundi kuri se w’Umurundi na nyina yavukiye i Burundi ariko akomoka mu Rwanda.

Igihembo RFI Talent du Rire cyatangijwe n’umuhanga mu gusetsa witwa Mamane ukomoka muri Niger. Mamane kandi asanzwe ategura amakuru asekeje kuri radiyo y’Abafaransa RFI Gondwana.

‘RFI talent de rire’ ni igihembo gihabwa umuhanga mu gusetsa wahize abandi. Iki gihembo kijyana n’ama €4 000 azagishyikirizwa mu gutaha kwa 12.

Sengazi ati “Iki gihembo kuri njyewe ni ikintu gikomeye, cyerekana ko babonye kandi bemeye ko akazi kanjye ngakora neza, kandi ko nshobora no kugera kure harenza aha".

Muri Afurika, iki gihembo gitanzwe ku nshuro ya gatanu. Michael Sengazi niwe watowe ku rwego rwa Afurika yose.

Umunyarwenya Sengazi yize amashuri abanza mu Burundi n’ayisumbuye kuri Michel Archange i Bujumbura, yiga amategeko muri Kaminuza ya ULK i Kigali mu Rwanda.

Arangije kwiga yahisemo gukora umwuga wo gusetsa. Avuga ko impamvu yasemo gukora umwuga wo guse ari uko ariyo mpano yasanze Imana yaramuhaye. Ababyeyi babona ariko aronona
Ngo hari abantu bataramenya ko gusetsa nawo ari umwuga, ngo arabumva kuko gusetsa atari ibintu bimenyerewe cyane.

Michael yinjiye neza na neza muri uwo mwuga muri 2010 akina theatre, nyuma ahura na bagenzi be bahita batangiza gahunda yo gukora ibyo gusetsa i Kigali.

Agitangura ababyeyi be nabo ntibabyumvaga ariko nyuma baje kubyumva baramushyigikira.

Ati "Umubyeyi yumvise ko mvuye mu by’amategeko ngiye gukina ibyo gusetsa, yahise abona ko ngiye konona amafaranga y’ ishuri yantangiye”

Akomeza agira ati "Ku mubyeyi, kugira ngo umuntu atere imbere ni uko akora akazi k’abantu bakomeye, bwa ka kazi abantu benshi bazi. Ako kazi gashya rero ntibashoboye kugasobanukirwa ariko nagerageje kubibumvisha".
Michael asaba abandi babyeyi gushyigikira abandi bana bashobora kuba bafite icyerekezo bashaka kujyanamo ubuzima bwabo, mu gihe atari ikintu kimwicira ubuzima cyangwa gituma amera nabi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...