konka coffee
KONKA

AMAKURU

UKWEZI

Umunyamakuru Clarisse Karasira yasohoye indirimbo ‘Giraneza’ yitsa ku bumuntu mu ijwi rihebuje

Umunyamakuru Clarisse Karasira yasohoye indirimbo ‘Giraneza’ yitsa ku bumuntu mu ijwi rihebuje
30-10-2018 saa 19:40' | By Vincent Nsengiyumva | Yasomwe n'abantu 6092 | Ibitekerezo 4

Umuririmbyi w’umunyempano mu njyana Gakondo ubifatikanya n’itangazamakuru, Clarisse Karasira yasohoye indirimbo ye nshya yise ‘Giraneza’ igaruka ku bikorwa by’ubumuntu byakagombye kuranga buri wese, mu ijwi ridasanzwe n’injyana inogeye amatwi.

Uyu muhanzi ushimangira ko yinjiye mu ruhando rwa muzika Nyarwanda mu buryo bweruye, yashyize ahagaragara iyi ndirimbo kuri uyu wa kabiri tariki 30 Ukwakira 2018.

Indirimbo ‘Giraneza’ ya Karasira, yitsa cyane ku bikorwa by’ubugiraneza, urukundo, amahoro n’ ubunyangamugayo, aho aba asaba buri wese kubikurikiza no kugendera kure ikibi cyose nk’impamba isindagiza umuntu akarinda asaza ari intangarugero mu bandi.

Muri iyi ndirimbo hari aho agira ati “Uzagire neza wigendere, ineza izagusanga imbere…Ntugakurikize imigambi y’ababi, ntukicarane n’abakobanyi, uzange ishyari, inzangano n’ ubugome.”

Clarisse Karasira arririmba mu njyana ya Gakondo

Mu kiganiro yagiranye na Ukwezi.rw Karasira yavuze ko indirimbo ye igamije gusakaza ubutumwa bwo kwimakaza ubumuntu mu bantu, bigamije guhindura sosiyete.

Yakomeje avuga ko ubuhanzi ari nk’ubuzima kuri we kuko yabutangiye akiri muto aho yahoraga yiyumvamo kuzatanga uruhare rwe mu guhindura sosiyete binyuze mu bitekerezo bye.

Aha yagize ati “Ubuhanzi bwanjye bugamije gutanga ibitekerezo byanjye mu guhindura sosiyete kuba nziza kurusha uko iri, nkibanda cyane ku njyana gakondo kuko nkunda umuco wacu.”

Umuririmbyi Clarisse Karasira asanzwe azwi cyane mu itangazamakuru aho yamenyekanye nk’umunyamakuru kuri Flash TV na Radio Flash, akaba ari n’umusizi uhimba imivugo ndetse unaririmbira abakoze ubukwe.

JPEG - 72.1 kb

Ni umunyamakuru, umuririmbyi, umusizi unaririmbira abageni

UMVA INDIRIMBO ’GIRANEZA’ HANO


INKURU ZA :
Tanga Igitekerezo
Ibitekerezo 4
ingabire justine Kuya 6-11-2018

komeza ubahigemwari w’urwanda.!

ingabire justine Kuya 6-11-2018

komeza ubahigemwari w’urwanda.!

ingabire justine Kuya 6-11-2018

komeza ubahigemwari w’urwanda.!

ALPHA Kuya 3-11-2018

Nuko mukobwa mwiza, komerezaho utanga ubutumwa bwubaka umuryango nyarwanda. Uri imfura.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...