AMAKURU

UKWEZI
pax

Justin Bieber yicuza kuba yarakoze imibonano mpuzabitsina mbere yo gukora ubukwe

Justin Bieber yicuza kuba yarakoze imibonano mpuzabitsina mbere yo gukora ubukwe
16-05-2020 saa 16:56' | By Twagirayezu Vincent | Yasomwe n'abantu 2261 | Ibitekerezo

Umuhanzi w’umunya Canada, Justin Drew Bieber uzwi nka Justin Bieber akaba akorera umuziki we muri Leta Zunze Ubumwe za Amerika yavuze ko yicuza kuba yarakoze imibonano mpuzabitsina atari yashinga urugo, avuga ko aramutse agize amahirwe yo kongera kuba umwana yakomera ku bumazi bwe ku buryo yazarinda ashaka umugore atari yakora imibonano mpuzabitsina.

Ibi yabivuze ubwo yasubizaga ikibazo umwe mu bafana be yari amubajije ku rubuga nkoranyambaga rwe rwa Facebook mu biganiro akunda gukorera ku mbuga nkoranyambaga ze byitwa ‘Babies on Watch’ wari umubajije ikintu yumva yaba yarigeze gukora akaba akicuza mu buzima bwe n’ucyo yakora biramutse bibaye ibishoboka ko ibihe bisubira inyuma mu bwana bw’uyu muhanzi.

Justin Bieber yagize ati ”Biramutse bibaye ibishoboka ko nasubira inyuma kandi simpure n’ibingerageza nakomera ku bumanzi bwanjye kugeza igihe nkoreye ubukwe.”

Uyu musore w’imyaka 26 y’amavuko yigeze gutangariza ikinyamakuru Vogue ko mbere y’uko ajya mu rukundo na Baldwin Hailey yari yarafashe umwanzuro ko atazongera gukora imibonano mpuzabitsina.

Uyu muhanzi avuga ko iyo umuntu amaze kuba imbohe y’imibonano mpuzabitsina aba atagishoboye kuba umuntu wbasha gufata umwanzuro, mbega ‘ubuzima bwe buba buri mu rujijo.’ Muri iki kiganiro cy’amashusho kandi yongeyeho ko iyo ataza gufata umwanzuro wo kuyihagarika atari kuba yarakundanye na Hailey Baldwin.

Ati ”Ntekereza ko igihe nagiye mu rukundo rwa nyarwo na Hailey ni igihe narekaga imibonano mpuzabitsina kuko icyo gihe ibintu byahise bisobanuka kuri njye. Icyo gihe nari nshoboye kubaka intangiriro nawe no kubaka ikizere hagati ye najye.”

Justin Bieber uri mu bigaruriye imitima ya benshi ku isi kubera kuririmba indirimbo ziganjemo iz’urukundo yashakanye na Hailey mu 2018 ariko baza kubishyira ahagaragara mu 2019 bakora ubukwe. Nyuma y’igihe gito babanye byemewe n’amategeko nibwo bahise batangiza ibiganiro by’uruhererekane bica ku rukuta rwa Facebook y’uyu muhanzi aho abakunzi be baba bemerewe kumubaza ibibazo bitandukanye byerekeye umuziki we n’ibijyanye n’urukundo rwe na Hailey.

Justin Bieber n’umukunzi we Hailey Baldwin


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA