AMAKURU

UKWEZI
ubumwe

’Ibintu byarakomeye umuntu ararangiza kwiga Kaminuza akajya kuba umuyede’’–Charly na Nina

’Ibintu byarakomeye umuntu ararangiza kwiga Kaminuza  akajya kuba umuyede’’–Charly na Nina
20-07-2019 saa 09:06' | By Muhizi Olivier | Yasomwe n'abantu 2402 | Ibitekerezo

Charly na Nina bamaze iminsi mu bukangurambaga bakorera mu turere dutandukanye tw’igihugu bugamije gukangurira abana babakobwa kurwanya icyorezo cya SIDA, inda zitateguwe, no kuva mu ishuri imburagihe babitewe n’ibishuko bya hato nahato .

Aba bahanzi babakobwa bari mubakunzwe mu Rwanda mu bigo by’ amashuri bitandukanye baganiriza abanyeshuri ingaruka zo kuva mu ishuri imburagihe cyangwa gutwara inda utabiteganyije .

Kuri uyu wa kane tariki 19 Nyakanga 2019 aba bahanzi basuye abana biga kuri Ecole Secondaire Saint Vincent Muhoza, giherereye mu karere ka Musanze mu Ntara y’Amajyarugu, abanyeshuri bagize umwanya wo kubaza ibibazo bitandukanye aba bakobwa .

Umwe mu banyeshuri yabajije Charly inama yagira abana babakobwa babareberaho nk’abakobwa babahanzi Charly mu kumusubiza yagize ati "inama ya mbere nabagira ni ukuguma mu ishuri ,ukiga ukarangiza icyiza ,kuko nta kintu na kimwe wakora muri ubu buzima turimo utarabashije kwiga ,icyiza cyo kwiga iyo urangije amasomo ukora icyo ushaka".

Yakomeje agira ati "Ubu ibintu byarakomeye umuntu ararangiza kwiga akajya kuba umumotari cyangwa umuyede mwige mushyizeho umwete muzasoze mufite amanota meza".

Aba bahanzi bazengurutse mu turere 8 tugize igihugu baganiriza abana babakobwa uko bakitwara

Charly yababwiye ko hari bagenzi be biganye yaba mu mashuri abanza bagahura n’ibishuko ntibabashe gukomeza amasomo yabo ubu babayeho mubuzima bushaririye ,yababwiye ko bibabaje kuba wababara ubuzima bwawe bwose usigaje ku isi nyamara ikosa wararikoze mu gihe kitarenze iminota 30 yonyine .

Mugenzi we Nina baririmbana yasabye aba banyeshuri kugira umuhate mu byo bakora byose nta mpamvu yuko abasore cyangwa abahungu babashukisha utuntu tw’intica ntikize kuko umukobwa yagera kucyo yifuza cyose ,ariko abinyujije mu nzira y’ishuri .

Abanyeshuri berekanye ibihangano byabo bahawe ibikoresho by’isuku

Ubu bukangurambaga aba bahanzi bise 1000GirlsIwacu babusoje kuri uyu wa Kane tariki19 Nyakanga 2019 I Musanze.

Charly yatangarije Ukwezi.com ko ibyo bifuzaga batangira ubu bukangurambaga babigezeho.

Yagize ati Igikorwa uko cyagenze kuko aho twajyaga hose twasangaga abana ibyo bintu babyumva ko bihangayikishije ,ubundi ntabwo ubwira umwana ikintu rimwe ngo uterere iyo ugomba guhora ubaganiriza kandi n’abayobozi b’amashuri barishimye cyane badusabye kugaruka kubasura,ubundi twagendaga nk’ abagiye kuganiriza abakobwa bagenzi bacu ntabwo twabaganirizaga nk’abahanzi".

Iri shuri rya Ecole Secondaire Saint Vincent Muhoza n’iryabihayimana ryatangiye 1997 ubu rikaba rifite abanyeshuri 543 babakobwa gusa .

Aba bahanzi basabanye n’abanyeshuri babaririmbira zimwe mu ndirimbo zabo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...