AMAKURU

UKWEZI
pax

Samusure wayobotse isoko ryo kuri YouTube yavuze igihombo baterwaga no gucuruza filime kuri CD

Samusure wayobotse isoko ryo kuri YouTube yavuze igihombo baterwaga no gucuruza filime kuri CD
25-06-2020 saa 13:51' | By UKWEZI | Yasomwe n'abantu 2129 | Ibitekerezo 1

Umukinnyi wa filimi Kalisa Ernest wamamaye ku mazina arimo ‘Samusure’ usigaye anyuza filime ze kuri YouTube yavuze ko mu bihe byashize ubwo bacuruzaga filime kuri CD baterwaga igihombo gikomeye n’abari bashinzwe kuzigurisha no kuzigeza hirya no hino mu gihugu.

Muri Nzeri 2019, nibwo uyu mugabo yatangiye gukina filime y’uruhererekane yise ‘Mahindu Series’ yigarurira imitima y’abanyarwanda benshi n’abanyamahanga by’umwihariko abakunzi ba filime Nyarwanda.

Uyu mugabo avuga ko yari amaze kumenya ko kuri YouTube hari isoko ryo gucururizaho filime kandi rishobora kwinjiza agatubutse kurenza gucuruza kuri CD byari bisanzwe bikorwa n’abo mu ruganda rwa sinema mu Rwanda.
Reba hano ikiganiro cyose twagiranye na Kalisa Ernest ’Makuta’

Mu kiganiro yagiranye na UKWEZI, Kalisa yavuze ko kuri Youtube hari isoko ugereranyije no gucuruza CD aho wasangaga uwunguka cyane ari umucuruzi kurenza wa muhanzi wagize imvune akanashora amafaranga ye mu gutegura no gukina filime.

Yagize ati “Iyo ushyize filime kuri YouTube abantu bakayikurikira ari benshi byanze bikunze ntabwo uviramo aho nk’uko wayishyira kuri CD abazicuruza bakaba benshi mu gihugu, kuko agura CD imwe akayikuramo izindi nka 300, izo zose arazicuruza zimwinjirize noneho uwasohoye iyo CD abe ari gupfa nabi [ntacyo yinjije].”

Yakomeje agira ati “Navuga ko kuzishyira kuri YouTube aribyo byiza kurusha uko twazishyiraga kuri CD, ikindi kandi mu Rwanda ntabwo dufite ama televiziyo menshi ashobora kugura filime zacu.”

Uyu musore watangiye gukina film mu 2003, avuga ko urugendo rutari rworoshye n’ubwo yishimira ko hari urwego amaze kugeraho kandi abona icyizere cy’ejo hazaza.

Ati “Mu buryo bufatika urabanza ukananyitegereza, nibwa warabonye film twakinnye mbere uko nanganaga urabona ko narakuze kandi nakuze neza ikindi mu bintu bifatika ntabwo ari bike maze kugeraho kuko niba nkubwira ko ntari wa muntu waburara kabiri urumva ko hari icyo bivuze kandi ubuzima nabukuye mu mwuga wanjye.”

Kalisa yakinnye muri filime nyinshi zandikwaga zikanatunganywa n’abandi ariko kuri ubu asigaye ategura ize ku giti cya ndetse akanaziyobora aho muri iyi minsi afite iyitwa Makuta Series ndetse na Mahindu Series yari aherutse guhagarika ariko izasubukurwa muri Nzeri uyu mwaka.
Reba agace ka 11 ka Makuta Series

Reba hano ikiganiro cyose twagiranye na Kalisa Ernest ’Makuta’


INKURU ZA :
Tanga Igitekerezo
Ibitekerezo 1
Mawombe truss biyanca Kuya 30-06-2020

Akaj karemerwa Jimenez ah kbx

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...