konka coffee
KONKA

AMAKURU

UKWEZI
Minijust

Menya impamvu Primus Guma Guma Super Star yahagaritswe n’ ikizayisimbura

Menya impamvu Primus Guma Guma Super Star yahagaritswe n’ ikizayisimbura
2-04-2019 saa 13:40' | By Nsanzimana Ernest | Yasomwe n'abantu 5519 | Ibitekerezo

Mushyoma Joseph wafatanyaga na Bralirwa gutegura irushanwa rya Primus Guma Guma Super Star yatangaje ko impamvu iri rushanwa ryahagaritswe ari uko ryageze ku ntego zaryo, anakomoza ku kigiye kurisimbura.

Irushanwa rya PGGSS ryabaye ku nshuro ya mbere muri 2011 riba ngarukamwaka kugeza muri 2018. Abatwaye iri rushanwa ni Tom Close, King James, Riderman, Butera Knowles, Jaypolly,Urban Boyz, Dream Boyz na Bruce Melody watwaye iherutse ya 2018.

PGGSS yatangiraga mu kwezi kwa Kabiri ariko kugeza magingo aya mu kwezi kwa kane kwa 2019, iri rushanwa ntabwo riratangira nta n’igitekerezo cyo kuritangiza.

Hari amakuru avuga ko abateguraga iri rushanwa bahombye ariko siko Mushyoma Joseph abisobanura kuko yabwiye RBA ko impamvu iri rushanwa ryasubitswe ari uko ryageze ku ntego ryari ryihaye.

Yavuze ko izo ntego zari “Guteza imbere abahanzi nyarwanda, Guhesha agaciro abahanzi nyarwanda, Gususurutsa abaturage bo mu Ntara zitandukanye mu byaro babahuza n’ abahanzi nyarwanda no Kuzamura urwego rw’ imiririmbire ikava kuri PlayBack(CD) ikajya mu buryo bwa Live”.

Mushyoma Joseph abenshi bazi nka Boubou yakomeje avuga ko Abanyarwanda bifuza ibintu bishya bizateza imbere Abahanzi Nyarwanda. Ibyo ngo nibyo bagiye gusimbuza PGGSS. Ngo ni “ibitaramo bizajya bizenguruka u Rwanda mu rwego rwo guhuza Abahanzi Nyarwanda n’abafana babo”.

Irushanwa rya Primus Guma Guma Super Star riherutse ryegukanywe na Itahiwacu Bruce Melody, ari nawe uherutse gutwara igihembo cy’umuhanzi w’ umwaka wa 2019 cyatanzwe na Salax Awards.

Irushanwa rya PGGSS ricitse intege rimaze imyaka 8 gusa nyamara irushanwa ryo muri Leta zunze ubumwe za Amerika rizwi nka ‘Grammy Awards’ ryatangiye mu 1958 n’ ubu riracyakomeje. Grammy Awards ritegurwa na National Academy of Recording Arts and Sciences yo muri USA.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...