konka coffee
KONKA

AMAKURU

UKWEZI
Minijust

Don Moen yageze mu Rwanda atungurwa n’uko yabonye u Rwanda (Amafoto)

Don Moen yageze mu Rwanda atungurwa n’uko yabonye u Rwanda (Amafoto)
9-02-2019 saa 23:25' | By Vincent Nsengiyumva | Yasomwe n'abantu 2473 | Ibitekerezo

Umuhanzi rurangiranwa mu ndirimbo zo kuramya no guhimbaza Imana, Donald James Moen [Don Moen] yageze i Kigali asezeranya abakunzi be kuzabataramira bakaryoherwa abandi bagakizwa.

Uyu muhanzi w’icyamamare umaze imyaka isaga 30 akora umuziki wa Gospel yaje mu Rwanda mu gitaramo gikomeye cyiswe MTN Kigali Praise Fest Edition I cyateguwe na MTN ifatanyije na RG Concert kiraba kuri iki Cyumweru tariki ya 10 Gashyantare 2019.

Don Moen yageze mu Rwanda kuri uyu wa Gatandatu saa cyenda n’iminota 20 azanye n’ikipe yagutse afatikanya nayo mu gutaramira abakunzi be bamutereje n’amatsiko menshi.

Akigera mu Rwanda, Don Moen yahise agirana ikiganiro n’abanyamakuru agira byinshi atangaza kuri iki gitaramo anahishura ko yasanze u Rwanda ari igihugu gifite ubwiza buhebuje.

Yavuze ko afite ibyishimo bidasanzwe kuba ageze mu Rwanda ku nshuro ye ya mbere akaba agiye gufatikanya n’imbaga y’Abanyarwanda kuramya no guhimbaza Imana bigizwemo uruhare na MTN ndetse na RG-Consult inc. 

Yagize ati “Ni ibyishimo bikomeye kuri njye kuba ngeze mu Rwanda. Ni ku nshuro ya mbere, ndashimira RG-Consult inc ndetse na MTN Rwanda bakoranye kugeza nje gutaramira mu Rwanda mfatanya n’abanyarwanda kwamamaza ubutumwa bwiza bw’Imana.”

Uyu munyempano yavuze ko yagiye atumirwa kenshi mu Rwanda ariko igihe kikaba cyari iki cyo gusohoza umugambi w’Imana. Ashimangira ko u Rwanda ari igihugu cyiza akaba yizeye ko azakigiriramo ibihe byiza cyane .

Yagize ati " Nagiye nakira ubutumwa bunsaba kuza gutaramira mu Rwanda ariko igihe cyari iki cyo gusohoza umugambi w’Imana .Abanyarwanda bakwiye kwishimira ko bafite igihugu cyiza. Ntabwo ariko nabitekerezaga, nabonye amazu meza ndetse n’indabo nziza. Nizeye ko abantu nabonye n’abandi bazambera inshuti nziza."

Iki gitaramo cy’amateka cyiswe ‘MTN Kigali Praise Fest Edition I’ kirabera muri Kigali Exhibition and Village Center ahazwi nka Camp Kigali kuri iki cyumweru tariki 10 Gashyantare 2019.

Umunyabigwi Don Moen w’imyaka 66 arafatikanya n’abahanzi banyuranye barimo umunyempano umaze kwigarurira imitima ya benshi mu Rwanda Israel Mbonyi.

Abayobozi ba RG-Concert yateguye iki gitaramo byatangaje ko imiryango izaba ifunguye kuva saa munani z’igicamunsi igitaramo gitangire saa kumi (16h00’) gisozwe saa sita z’ijoro.

Don Moen mu kiganiro n’abanyamakuru

Don Moen akigera i Kigali yakiranwe urugwiro

Moen yageze i Kigali ari kumwe n’itsinda ry’abamufasha kuririmba no gucuranga


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...