konka coffee
KONKA

AMAKURU

UKWEZI
ubumwe

Clarisse Karasira yashenguwe n’ urupfu rw’ umufana we, Umunyarwandakazi wabaga Norvège

Clarisse Karasira yashenguwe n’ urupfu rw’ umufana we, Umunyarwandakazi wabaga Norvège
10-06-2019 saa 13:25' | By Nsanzimana Ernest | Yasomwe n'abantu 5453 | Ibitekerezo 1

Umuhanzikazi Clarisse Karasira yatangaje ko yababajwe bikomeye n’ inkuru y’ uko Umunyarwandakazi Apotre Izabiriza Violette wari umukunzi w’ indirimbo ze yitabye Imana ataramugezaho indirimbo yamuhimbiye.

Nyakwigendera Apotre Izabiriza Violette ni nyina wa Roseline Tuyishimire uzwi nka La Rose, uririmba indirimbo zihimbaza Imana.

Clarisse Karasira avuga ko uyu muhanzikazi La Rose ariwe watumye amenyana na nyakwigendera Apotre Izabiriza Violette witabye Imana mu gitondo cyo kuri uyu wa 10 Kamena 2019.

Mu butumwa Clarisse Karasira yashyize kuri Instagram yagize ati “Sinabona uko mbabwira Umutima wanjye umeze,nyuma y’iyi nkuru mbi inzindukiye! Uyu mubyeyi yari atuye Norway akaba umunyarwandakazi wankundaga bihambaye, iteka yabaga ari kumva indirimbo zanjye, yaba arwaye ngo yazumva akagarura akabaraga! Ukuntu mperutse kumuririmbira indirimbo nabahimbiye kuri telefoni arwaye akansabira umugisha disii!! Ninjoro mbere y’uko yigendera,ngo yaraye yumva za ndirimbo zanjye Numvaga Wenda nzamubona tugataramana imbonankubone aha ku isi ariko ntacyo mu ijuru tuzabisubukura”.

Yakomeje agira ati “Inshuti yanjye, umukobwa we La Rose yambereye ikiraro kimumenyesha, Na n’ubu sindabikurura neza La Rose wanjye we!! Ya ndirimbo #Ingabire nabahimbiye ukuntu numvaga nzayisohora mpita nyimwoherereza disi!Komera. Ntacyo azayumvira mu ijuru. Uruhuke neza mubyeyi!”.


La Rose na nyina Apotre Izabiriza Violette witabye Imana azize uburwayi

Nyakwigendera Apotre Izabiriza Violette yavutse tariki 20/10/1956, yitabye Imana tariki 10/06/2019 azize uburwayi.

Apotre Izabiriza Violette ni umubyeyi w’umuhanzikazi La Rose ukora umuziki wo kuramya no guhimbaza Imana. La Rose azwi cyane mu ndirimbo ‘Gushima’ yakoranye na Serge Iyamuremye.


Clarisse Karasira yababajwe bikomeye n’ urupfu rwa Apotre Izabiriza Violette wari umufana we


INKURU ZA :
Tanga Igitekerezo
Ibitekerezo 1
Ova Kuya 11-06-2019

Yoooo mbega inkuru mbi ibabaje. N’aruhukire mu Mahoro uwo mubyeyi wacu

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...