konka coffee
KONKA

AMAKURU

UKWEZI
ubumwe

Baby Style agiye kuzenguruka igihugu akora ibitaramo byo kurwanya ibiyobyabwenge n’inda ziterwa abangavu

Baby Style agiye kuzenguruka igihugu akora ibitaramo byo kurwanya ibiyobyabwenge n’inda ziterwa abangavu
25-03-2019 saa 10:56' | By Vincent Nsengiyumva | Yasomwe n'abantu 825 | Ibitekerezo

Umuhanzi nyarwanda ukiri muto, Twahirwa Kelly uzwi nka Baby Style w’imyaka 11 y’amavuko yateguye ibitaramo bizakorerwa mu turere hafi ya twose tw’igihugu, bigamije kurwanya ibiyobyabwenge mu rubyiruko n’inda ziterwa abana b’abangavu.

Uyu mwana uvuga ko afite inzozi zo kuzazamura muzika nyarwanda, igitekerezo cyo gukora ubu bukangurambaga ngo cyamujemo nyuma yo guhora yumva amakuru adasiba kuvugwamo ibiyobyabwenge mu rubyiruko rw’u Rwanda ndetse n’ikibazo cy’abana b’abakobwa bari guterwa inda n’abagabo bakuze mu minsi ya none.

Twahirwa ( Baby Style) ngo akimara kubona ko ibi bibazo byugarije umuryango nyarwanda, ngo yatekereje ko nawe hari icyo yakora yifashishije ijwi rye agatanga umusanzu mu kurwanya ibi bibazo bibangamiye iterambere ry’urubyiruko rw’u Rwanda.

Yagize ati “Narebaga amakuru cyane, ariko kenshi hakagarukwa ku nkuru z’abana b’abakowa baterwa inda, ibiyobyabwenge mu rubyiruko rw’u Rwanda nkumva nanjye ari ibintu biteje ikibazo. Naje kwicara nsanga nanjye nshobora gutanga umusanzu wanjye mu kubirwanya nkoresheje ijwi ryanjye, maze ngeza igitekerezo ku mujyanama wanjye mu by’umuziki ndetse n’ababyeyi bahita bumva ari ibintu byiza bemera kunshyigikira kandi nizeye ko bizatanga umusaruro ugaragara.”

Umujyanama mu bya muzika (Manager) w’uyu muhanzi ukiri muto, Ndahiro Valens Papy yabwiye ukwezi ko ibi bikorwa babitangiriye mu karere ka Rulindo, byitabirwa n’abantu benshi bikaba byarabahaye icyizere ko bizatanga umusaruro ushimishije.

Avuga ko mu bitaramo bakora, banahatangira ubutumwa bwo kwigisha abantu ububi n’ingaruka z’ibiyobyabwenge ndetse n’izo gutera abana bakiri bato inda.

Ati “ Ntabwo tugenda ngo dutaramire abantu gusa ngo niturangiza dutahe. Tunanyuzamo tukigisha abantu ku bubi bw’ibiyobyabwenge ndetse no gutera abangavu inda.”

Ndahiro Valens akomeza avuga ko ubu bukangurambaga bari kubufatanya na Minisiteri y’Uburinganire n’iterambere ry’umuryango (MIGEPROF) ndetse na CLADHO.

Baby Style watangiye muzika afite imyaka 7 amaze gusohora indirimbo 6 zirimo izakunzwe cyane nka ‘Ndashima’ n’iyitwa ‘Igitego’.

Baby Style avuga ko ibikorwa bya muzika bitabangamira amasomo ye, ngo kuko ajya mu bikorwa by’umuziki mu gihe cy’ibiruhuko gusa.

Yasoje aha ababyeyi ubutumwa bwo kujya bita ku bana babo, bakagerageza kubashakira ibyo babasabye kugira ngo batabibura bakajya kubishakira mu nzira zidakwiye.

Baby Style ahamya ko umusanzzu we mu kurwanya ibiyobyabwenge n’inda zitateganyijwe ziterwa abanavu uzzatanga umusaruro ugaragara

REBA HANO INDIRIMBO IGITEGO YA BABY STYLE


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...