konka coffee
KONKA

AMAKURU

UKWEZI

Alpha Blondy yataramiye abanya Kigali bataha baseta ibirenge- Amafoto

Alpha Blondy yataramiye abanya Kigali bataha baseta ibirenge- Amafoto
27-07-2018 saa 10:17' | By Vincent Nsengiyumva | Yasomwe n'abantu 4518 | Ibitekerezo

Alpha Blondy umuhanzi w’igihanganjye mu njyana ya Reggae, yasusurukije abanya Kigali mu gitaramo cy’amateka, gisozwa abenshi batifuza ko yava ku rubyiniriro kubera urukundo n’urukumbuzi bari bamufitiye.

Iki gitaramo cy’umunsi wa mbere cya Kigali Up Festival, cyabaye mu ijoro ryo kuri uyu wa Kane tariki 26 Nyakanga 2018, Alpha Blondy yongeye gushimangira imbere y’imbaga y’abakunzi be b’abanyarwanda ko ari umwami w’injyana ya Reggae ku mugabane wa Afurika.

Iki gitaramo cyabereye ku Parikingi ya Stade Amahoro i Remera, cyatangiye mu masaha ya saa kumi n’ebyiri n’iminota mike, gitangizwa n’umusore Andy Bumuntu, nawe wagaragarijwe ko indirimbo ze ziri kubaka imitima y’abatari bake.

Blondy yagaragarije abanyarwanda ko akiri umwami wa Raggaee muri Afurika

Nyuma y’uko Andy Bumuntu avuye ku rubyiniriro, yakiriwe n’itsinda ry’abanyeshuri biga mu ishuri ryigisha umuziki riherereye i Muhanga, aho nabo bagaragaje ubuhanga buhanitse mu majwi meza cyane, bashimangira ko ibyo bakora babizi koko.

Mu masaha ya saa tatu n’iminota nibwo Alpha Blondy yahamagawe ku rubyiniriro mazew yakirizwa amashyi y’urufaya nk’ikimenyetso cy’uko bari banyotewe no gutaramana nawe imbona nkubone mu ndirimbo ze zo hambere zakunzwe n’abatari bake.

Yagaragaje imbaraga n’ubuhanga bihabanye n’imyaka afite

Blondy akigera ku rubyiniriro yahereye ku ndirimbo ye “Jerusalem’ abantu bose bahita bahagurukira rimwe bajya ibicu maze bahita bamufasha kuyiririmba ari nako babyina mu njyana ya Raggaee

Uko uyu muhanzi w’imyaka 65 yagendaga aririmba, ni nako yanyuzagamo akaganiriza abafana be ku ijambo ry’Imana, abigisha urukundo ndetse no kubana neza mu mahoro.

Alpha Blondy yamaze amasaha asaga 2 ku rubyiniriro, aho yageze hafi saa sita z’ijoro akiririmbira abakunzi be. Mu gusezera ku bari baje gutaramana nawe, byagaragaraga ku maso yabo ko bagishaka gukomeza gutaramana nawe byaba ngombwa bakanakesha.

Umuhanzi Alpha Blondy ukomoka muri Cote d’Ivoire, aheruka gusohora album nshya ikubiyeho indirimbo ziganjemo izikebura leta ngo ifungure imfungwa zatawe muri yombi mu mvururu zavutse nyuma y’amatora yabaye muri Côte d’Ivoire muri 2010 ubwo hatowe Alassane Ouattara.

Andy Bumuntu niwe wabanje ku rubyiniriro

Blondy yagaragarijwe ko Abanyarwanda bamuhoza ku mutima

Iki gitaramo cyitabiriwe n’abiganjemo aba Rasta

Ibyishimo byari byasabye abakunzi ba Blondy

Minisitiri Uwacu wari witabiriye iki gitaramo yabanje gusuhuza Alpha Blondy

Imbaraga zari zose kuri Blondy imbere y’imbaga y’abafana be

Bamwe mu bacuranzi ba Blondy

Blondy yazanye n’itsinda ry’abacuranzi be

Amafoto : Mugabo Paccy


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...