konka coffee
KONKA

AMAKURU

UKWEZI
ubumwe

Kigali: Umunyamideli Alexia Mupende witeguraga ubukwe yishwe n’umukozi wo mu rugo

Kigali: Umunyamideli Alexia  Mupende witeguraga ubukwe yishwe n’umukozi wo mu rugo
8-01-2019 saa 23:41' | By Vincent Nsengiyumva | Yasomwe n'abantu 11270 | Ibitekerezo 6

Alexia Uwera Mupende wari icyamamare mu kumirika imideri yishwe atewe icyuma mu ijosi ku mugoroba wo kuri uyu wa Kabiri bikaba bikekwa ko yishwe n’uwari umukozi wo mu rugo. Uyu mukobwa yishwe habura iminsi micye ngo akore ubukwe.

Alexia Uwera Mupende yiciwe iwabo mu rugo i Kanombe ku mugoroba wo kuri uyu wa Kabiri tariki ya 8 Mutarama nk’uko byatangajwe na bamwe mu nshuti ze.

Inshuti za hafi za Alexia Mupende zihamya ko yishwe n’umusore witwa Niyireba Antoine, w’imyaka 23 wari umukozi wo mu rugo rw’iwabo kwa Alexis Mupende, dore ko ngo yanatorotse nyuma y’ubwo bwicanyi.

Urupfu rwa Alexia Uwera Mupende rwashavuje abatari bacye bakurikira iby’imideri dore ko yari ari no mu myiteguro y’ubukwe bwe bwari buteganyije ku itariki ya 16 Gashyantare 2019.

Umurambo wa nyakwigendera wahise ujyanwa mu bitaro bya Gisirikare i Kanombe kugira ngo ukorerwe isuzuma mu gihe Niyireba Antoine ushinjwa kugira uruhare muri ubu bwicanyi yatangiye gushakishwa n’inzego z’umutekano.

Alexia Uwera Mupende, yatangiye kumenyekana mu by’imideli mu Rwanda mu mwaka wa 2012 ubwo yatsindaga irushanwa rya Rwanda Premier Model Competition.

Yagiye yitabira ibikorwa by’imideli bikomeye ku Isi nka Dubai Runway Season II.,yanakoranye n’abahanzi b’imideli bakomeye barimo Modupe Omonze, Shaleen Cheah, Helen Couture, Si Fashion Galerie na Khalid Al Ayoub.

Urupfu rwa Alexia rwashavuje abatari bacye

Uyu mukobwa yari amaze kwigarurira imitima y’abakurikirana iby’imideri

Alexia yari mu myiteguro y’ubukwe bwe bwari kuzaba mu kwezi gutaha


INKURU ZA :
Tanga Igitekerezo
Ibitekerezo 6
Nepo Kuya 11-01-2019

Yezu we!mbega akaga,ariko se ubu ibi ni ibiki koko?nibamufata iyo nkoramaraso bazamutangaze n’iwabo hamenyekane,kuko ubwicanye nkubwo afite aho abukomora,nimukurikirana neza muzasanga kwica kwe bifite source.Cyeretse niba yari yasaze.

Nepo Kuya 11-01-2019

Yezu we!mbega akaga,ariko se ubu ibi ni ibiki koko?nibamufata iyo nkoramaraso bazamutangaze n’iwabo hamenyekane,kuko ubwicanye nkubwo afite aho abukomora,nimukurikirana neza muzasanga kwica kwe bifite source.Cyeretse niba yari yasaze.

jeanpaul Kuya 10-01-2019

bibabaze abantu benshi gusanibibazo imana imutabare kukontazi ibyakora??????

Niyoshema Félicien Kuya 10-01-2019

Ariko satani ni umugome pe uruhinja rw’imyaka 23 koko rufate umugambi WO kwicana.ahhhhhhhhhhhhhh nibibazo ahubwo abantu dukwiriye gusenga kuko isi igeze kure mbona nakataraza kazaza

kayitare Kuya 9-01-2019

imana ntijya yemera ko inzira karengane igenda gutya gusa hababaje uwari umusore warugiye kubana nawe agahinda amusigiye uwo mugome we bitinde azafatwa rwose twohanganishije umuryango we

Claudio Kuya 9-01-2019

Naruhukire mu mahoro.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...