Umuryango w’umuhanzi Turatsinze Prosper wamamaye nka Mico The Best n’umugore we Ngwinundebe Clarisse, uri mu byishimo byo kwibaruka umwana wabo w’umuhungu.

Bibarukiye mu bitaro bya La Croix du Sud ahazwi nko Kwa Nyirinkwaya ku wa Mbere tariki 3 Mutarama 2022.

Tariki 9 Ukuboza Ngwinundebe yari yakorewe ibirori byo kwitegura uyu mwana we.

Mico The Best na Ngwinundebe Clarisse bari bakoze ubukwe mu mpera za Nzeri 2021 mu biro byatashywe n’abarimo ibyamamare byanamwambariye.

Aba bombi kandi bari basezeranye imbere y’amategeko tariki 19 Kanama 2021 mu muhango wabereye mu Murenge wa Nyarugenge mu Karere ka Nyarugenge mu Mujyi wa Kigali.