konka coffee
KONKA

AMAKURU

UKWEZI

VIDEO: Mu buryo butangaje Rwarutabura na Nkunda Match basabye umutoza wa Rayon Sports ‘Kwegura’

VIDEO: Mu buryo butangaje Rwarutabura na Nkunda Match basabye umutoza wa Rayon Sports ‘Kwegura’
6-06-2018 saa 08:23' | By Akayezu Jean de Dieu | Yasomwe n'abantu 6919 | Ibitekerezo 1

Nyuma yo gutsindwa yarushijwe n’ikipe y’Amagafu FC, Umutoza wa Rayon Sports, Ivan Minaert yazomewe bikomeye n’abafana b’iyi kipe ndetse bigeze kuri Rwarutabura na Nkunda Match bo bamusaba ‘Kwegura’bitaraba nabi. Si ibi gusa kandi hari n’andi makuru avuga ko abakinnyi ba Rayon Sports nabo kuri ubu bari ku gitutu aho bahatiwe gusinya ku rutonde rw’abifuza ko uyu mutoza wabo yirukanwa.

Icyiswe inkundura yo kwegura mu Rwanda gisa nk’ikimaze gufata indi ntera nyuma y’abayobozi b’uturere kuri ubu n’ahandi hose mu Rwanda ugaragaje imikorere itanyura abo akorera cyangwa abamukoresha asigaye asabwa kwegura ku mpamvu ze bwite cyangwa akeguzwa. Ibi nibyo bihe umutoza wa Rayon Sports, Ivan Minaert arimo nyuma yo gutsindwa n’Amagaju FC yibasiwe bikomeye n’abafana b’iyi kipe barangajwe imbere na Rwarutabura ari kumwe na Nkunda Match w’I Kirinda aho bamusabaga kwegura bubi na bwiza.

Ku gicamunsi cyo kuri uyu wa Kabiri tariki 5 Kamena 2018, I Kigali kuri Sitade Amahoro iri I Remera mu karere ka Gasabo, ikipe ya Rayon Sports yari yakiriye Amagaju FC yaturutse I Nyamagabe.

Wari umukino abakunzi ba Rayon Sports ndetse n’ikipe batezeho amanota atatu ashobora kubafasha gukomeza kuza mu makipe ahatanira igikombe, ariko siko byagenze kuko umukino warangiye amanota yose atashye I Nyamagabe, ibintu byagabanyije icyizere kuri Rayon Sports mu rugamba rwo guhatanira igikombe.

REBA VIDEO HANO
:

Muri uyu mukino amakipe yombi yatangiye yigana ariko Amagaju atanga Rayon Sports kwinjira mu mukino mbere kuko ku munota wa 27 cyatsinzwe na Yahaya Mustapha ,umukino wakomeje ariko ubona Amagaju asatira cyane kurusha Rayon Sports cyane ku munota wa 38 Amagaju yabonye igitego cya Kabiri cyo kwishyura cyatsinzwe na Munezero Dieudonné Amagaju akomeza kubabaza Rayon Sports.

Igice cya mbere kijya kurangira ku munota wa 45 Manishimwe DJabel yatsindiye Rayon Sports igitego cya mbere ,igice cyambere kirangira Amagaju atsinze Rayon Sports ibitego 2 kuri 1 .

Igice cya kabiri cyatangiranye impinduka ku ruhande rwa Rayon Sports yinjizamo Dirra mu busatirizi kugirango bashake igitego cyo kwishyura ariko biranga bibaye iby’ubusa umukino urangira Amagaju yegukanye itsinzi .

Nyuma y’umukino abafana bagumye muri stade baririmba ngo barambiwe umutoza ,ngo nagende ndetse baranamutegereza ariko Police irahagoboka irabahosha ndetse iherekeza umutoza kuva mu kibuga kugera mu rwambariro ndetse no kuva muri stade ibintu bitagaragaye neza.

Ibi ariko biza byiyongera ku makuru agera ku kinyamakuru Ukwezi.com ashimangira ko abakinnyi b’iyi kipe basinyishijwe ku rutonde rw’abatifuza Ivan Minaert yakomeza gutoza iyi kipe nyuma y’uko muri iyi minsi atari gutanga umusaruro wifuzwa. Ivan Minaert ari mu mazi abira ndetse ashobora kweguzwa ku mpamvu z’umusaruro utari gushimisha aba Rayon


INKURU ZA :
Tanga Igitekerezo
Ibitekerezo 1
Bugabo Kuya 6-06-2018

Ese ubundi uyu mutoza yajyagahe yarabonye igihugu azamo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...