konka coffee
KONKA

AMAKURU

UKWEZI

Uwari umutoza w’ikipe ya KNC yahawe akazi ko gutoza muri Rayon Sports

Uwari umutoza w’ikipe ya KNC yahawe akazi ko gutoza muri Rayon Sports
26-06-2018 saa 06:06' | By Muhizi Olivier | Yasomwe n'abantu 5666 | Ibitekerezo

Nyuma y’ibibazo by’abatoza Rayon Sports yari imaranye iminsi, ubu ifite umutoza mushya uvuye muri Brazil Roberto Oliveira Goncalves do Cormo ndetse uyu yabonye n’umwungiriza mushya Gatera Moussa watozaga ikipe ya KNC.

Ni nyuma y’aho ubuyobozi bwa Rayon Sports bwafashe umwanzuro wo guhagarika abatoza 3 barimo umutoza mukuru Ivan Jackie Minnaert, abatoza bamwungirije Romami Marcel na Jeannot Witakenge bose bazira umusaruro mubi muri Rayon Sports ndetse no kutumvikana hagati yabo n’abakinnyi batozaga, mu guhosha umwuka mubi ubuyobozi buhitamo kubahagarika.

Abayobozi ba Rayon Sports ubu bari gukora iyo bwabaga ngo bazitware neza muri CECAFA Kagame Cup izabera muri Tanzania muri Nyakanga 2018 ari nayo mpamvu barimo gushaka kuzuza inzego z’imiyoborere y’ikipe.

Gatera Moussa wagizwe umutoza wungirije muri Rayon Sports, yari asanzwe atoza ikipe ya Unity FC yo mu cyiciro cya kabiri, iyi kipe y’i Gasogi ikaba isanzwe ari iya Kakooza Nkuriza Charles uzwi nka KNC, umuhanzi, umunyamakuru akaba n’umuyobozi wa Radio na TV1.

Gatera agiye gufasha Rayon Sports muri iyi mikino ya CECAFA Kagame Cup, mu mikino y’igikombe cy’Amahoro no mu mikino y’amatsinda ya CAF Confederation Cup.

Mbere y’uko yerekeza muri Unity FC, Gatera yahoze atoza ishuri ry’umupira w’amaguru rya FERWAFA ryitwa Isonga Football Academic rinafite ikipe mu cyiciro cya kabiri.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...