AMAKURU

UKWEZI
pax

Umutoza Karekezi Olivier yamaze gusinya amasezerano muri Kiyovu Sports

Umutoza Karekezi Olivier yamaze gusinya amasezerano muri Kiyovu Sports
20-05-2020 saa 07:11' | By Twagirayezu Vincent | Yasomwe n'abantu 619 | Ibitekerezo

Ikipe ya Kiyovu Sports yamaze kumvikana n’umutoza Karekezi Olivier kugirango ayibere umutoza akaba yasinye amasezerano y’imyaka ibiri iri imbere.

Mu kwezi gushize nibwo iyi kipe yari yatangiye ibiganiro na Karekezi ndetse mu ntangiro z’uku kwezi impande zombi zisinya amasezerano y’integuza ariko ubu bakaba bamaze gusinya amasezerano y’imyaka ibiri Karekezi Olivier akagaruka muri shampiyona y’u Rwanda.

Kiyovu Sports yatangiye ihanganiye uyu mutoza n’andi makipe nka Musanze FC, Police FC na AS Kigali nazo zikaba zaramwifuzaga.

Olivier Karekezi w’imyaka 37 agarutse muri shampiyona y’u Rwanda nyuma y’imyaka isaga ibiri ayivuyemo ubwo yaherukaga gutoza Rayon Sports akanayihesha ibikombe bitandukanye.

Karekezi aje gusimbura Ruremesha Emmanuel wari wasigaranye Kiyovu Sports nyuma y’uko Buruchaga ukomoka mu Burundi atandukanye nayo Ruremesha wari wungirije agahita afata inshingano z’umutoza mukuru.

Biravugwa ko Karekezi yahawe uburenganzira bwo kuzishakira abatoza bamwungirije nk’uko Radio 10 yabitangaje naho amasezerano yasinye akaba azatangira gushyirwa mu bikorwa guhera tariki ya 01 Nyakanga 2020.

Kiyovu Sports isinyishije uyu mutoza wari usanzwe wibera ku mugabane w’Uburayi nyuma y’icyumweru kimwe yongereye amasezerano kapiteni wayo Serumogo Ally.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA