konka coffee
KONKA

AMAKURU

UKWEZI

Umuherwe wa Leicester City yaguye mu mpanuka y’indege

Umuherwe wa Leicester City yaguye mu mpanuka y’indege
29-10-2018 saa 07:56' | By Vincent Nsengiyumva | Yasomwe n'abantu 3642 | Ibitekerezo

Umuherwe wa Leicester City, Vichai Srivaddhanaprabha, yaguye mu mpanuka y’indege yabaye mu ijoro ryo ku wa Gatandatu ubwo yavaga mu mukino wari wahuje ikipe ye na West Ham.

Iyi mpanuka yaguyemo n’abandi bantu bane bari kumwe n’umuherwee Vichai, yatewe n’inkongi y’umuriro yafashe iyi ndege ubwo yari mu kirere, imaze igihe gito ihagurutse kuri Stade ya King Power, ahari habereye umukino.

Ku mugoroba wo kuri iki Cyumweru nibwo ubuyobozi bw’ikipe ya Leicester City bwasohoye itangazo bwemeza amakuru y’urupfu rw’umuherwe w’iyi kipe, Vichai Srivaddhanaprabha, na bagenzi be bane bari kumwe, bavuga ko bashenguwe bikomeye n’urupfu rw’abo.

Iri tangazo ryagiraga riti “Mu gahinda gasaaze ndetse n’imitima yashenjaguritse,twemeje amakuru y’uko Umuyobozi Mukuru wa Leicester City, Vichai Srivaddhanaprabha, ari mu baburiye ubuzima mu mpanuka y’indege yabaye mu ijoro ryo ku wa Gatandatu yari irimo abantu bane nawe wa Gatanu, baturutse kuri Stade ya King Power. Nta n’umwe muri bo warokotse.”

“Abakunzi ba Leicester City bose dufashe mu mugongo umuryango wa Vichai ndetse n’imiryango y’abandi baguye mu ndege. Isi ibuze umugabo w’ingenzi, umugabo warangwaga n’urukundo…”

Srivaddhanaprabha yaguze iyi kipe miliyoni 57 z’amadolari ya Amerika mu 2010 iri mu cyiciro cya kabiri nyuma y’imyaka ine izamuka mu cya mbere, ihageze itungurana yegukana igikombe cya shampiyona y’u Bwongereza ya 2014-15.

Mu 2016 iyi kipe yakoze amateka ataratekerezwaga, yegukana igikombe cya shampiyona ihigitse ibigugu byose.

Yari umuherwe wa 388 ku rutonde rw’abafite ifaranga rukorwa na Forbes Magazine. Umutungo we ubarirwa muri miliyari 4.9 z’amadolari ya Amerika.

Vichai Srivaddhanaprabha yanditse amateka akomeye mu ikipe ya ya Leicester City

JPEG - 86.5 kb

Iyi ndege yafashwe n’inkongi irashya irakongoka

JPEG - 132.5 kb

Iyi ndege yakuraga uyu muherwe mu kibuga rwagati nyuma y’umukino

JPEG - 217.7 kb

Imbaga y’abakunzi b’iyi kipe bajyanye indabo hanze ya Stade ya King Power nk’ikimenyetso cyo kumwunamira

Vichai yakoze amateka akomeye yo guhesha ikipe ye igikombe cya Shampiyona

Vichai yari umugabo w’umunyabigwi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...