AMAKURU

UKWEZI
cheno 2020

Rutahizamu Samson Babuwa yerekeje muri Kiyovu Sports

Rutahizamu Samson Babuwa yerekeje muri Kiyovu Sports
20-05-2020 saa 23:30' | By Twagirayezu Vincent | Yasomwe n'abantu 403 | Ibitekerezo

Rutahizamu Samson Babuwa ukomoka mu gihugu cya Nigeria, yamaze gusinya amasezerano muri Kiyovu Sports aho agiye kuba umwe mu ntwaro umutoza Olivier Karekezi nawe iyi kipe iheruka gusinyisha azifashisha.

Uyu musore wari uherutse gusezera muri Sunrise FC yo mu karere ka Nyagatare kuri uyu wa Gatatu tariki 20 Gicurasi 2020, nibwo yasinyiye gukinira umwaka umwe iki ya Kiyovu Sports bakunze kwita ‘Urucaca’.

Uyu rutahizamu afatwa nk’uwa mbere mu Rwanda kugeza ubu bitewe n’uko ubwo shampiyona yahagarikwaga ariwe wari ufite ibitego byinshi aho yari amaze kugira ibitego 15 muri uyu mwaka w’imikino.

Ni mugihe mwaka ushize nabwo yari mu ba mbere bari bafite ibitego byinshi mu Rwanda.

Samson Babuwa yahawe amasezerano y’umwaka umwe bivugwa ko yahawe amafaranga 8,000,000 z’amanyarwanda.

Kiyovu Sports ni ikipe irimo kwiyubaka muri uyu mwaka nyuma y’aho iboneye umuterankunga mushya, Uruganda rwa Azam rwayishoyemo amafaranga menshi.

Iyi kipe yabanje kongerera amasezerano bamwe mu bakinnyi beza ifite barimo Serumogo Ally ukina inyuma ku ruhande rw’iburyo na Ishimwe Saleh ikurikizaho kuzana Olivier Karekezi nk’umutoza mukuru.

Babuwa Samson yageze muri Sunrise mu 2016 akaba yari ayimazemo imyaka ine ari naho yagiriyemo ibihe byiza nk’uko yabitangaje ubwo yasezeraga.

Yerekeje muri iyi kipe mugihe andi makipe nka Musanze FC na Rayon Sports byavugwaga ko amwifuza ndetse Musanze yo ibiganiro bikaba byendaga kurangira bivugwa ko Kiyovu yaciye inyuma igahita imuzana byihuse kuko haburaga gato ngo yerekeze muri iyi kipe yo mu Majyaruguru y’u Rwanda.

Babuwa aje muri iyi kipe y’urucaca yiyongera ku bandi ba rutahizamu nka Robert Saba, Armel Guislain na Nizeyimana Jean Claude bakunze kwita Rutsiro bakaba bagiye gutozwa na Karekezi Olivier.

Rutahizamu uyoboye abandi mu Rwanda Samson Babuwa, yamaze gusinya amasezerano mu ikipe ya Kiyovu sports


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...