AMAKURU

UKWEZI

Rwatubyaye na Usengimana Fautsin ntibajyana na Rayon Sports muri Tanzania

Rwatubyaye na Usengimana Fautsin ntibajyana na Rayon Sports muri Tanzania
14-05-2018 saa 13:36' | By Akayezu Jean de Dieu | Yasomwe n'abantu 2262 | Ibitekerezo

Ikipe ya Rayon Sports ihagarariye u Rwanda mu marushanwa y’imikino Nyafurika ‘Caf Confederation Cup, irerekeza muri Tanzania mu ijoro ryo kuri uyu wa Mbere, aho iragenda adafite ba myugariro bayo babiri Rwatubyaye Abdul na Usengimana Faustin.

Iyi kipe ihaguruka kuri uyu wa Mbere tariki 14 Gicurasi 2018, ahagana saa tanu z’ijoro yerekeza I Dar Es Salaam, mu bakinnyi bagarutse mu kibuga b’iyi kipe harimo Kwizera Pierrot na Imanishimwe Djabel bombi bari bamaze igihe bari mu mvune.

Iyi kipe izacakirana na Younger Africans yo muri Tanzania kuwa Gatatu tariki 16 Gicurasi 2018, Biteganyijwe ko Rayon Sports izakorera imyitozo kuri sitade ya Uwanja wa Taifa kuri uyu wa Kabiri mu rwego rwo kwitegura.

Rayon Sports na Young Africans zirakina umukino wa kabiri wo mu itsinda D abarizwamo, mu mikino yabanje, Rayon Sports yari yahuye na Gor Mahia yo muri Kenya mu mukino wabereye i Kigali amakipe yombi anganya igitego kimwe kuri kimwe.

Ku rundi ruhande ariko Young Africans yo yari yakinnye na USM Alger yo muri Algeria, umukino urangira Young itsinzwe ibitego bine ku busa.

Abakinnyi 18 bajyana na Rayon Sports

Bakame, Kassim, Thierry, Irambona, Ange, Gabriel, Masters, Pierrot, Sadam, Rutanga, Mugume, Djabel, Kevin, Caleb, Tchabalala, Mbondi, Diarra, Mukunzi Yannick


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...