AMAKURU

UKWEZI
ubumwe

Rugwiro Hervé wari umaze ibyumweru 3 afunze yarekuwe

Rugwiro Hervé wari umaze ibyumweru 3 afunze yarekuwe
3-01-2020 saa 22:03' | By Nsanzimana Ernest | Yasomwe n'abantu 1282 | Ibitekerezo

Myugariro wa Rayon Sports n’Amavubi Rugwiro yarekuwe kuri uyu wa 3 Mutarama 2020, nyuma y’ibyumweru hafi bitatu yari amaze afungiye mu Karere ka Rubavu ashinjwa gukoresha inyandiko mpimbano.

Umwanzuro wo kurekura uyu myugariro wa Rayon Sports Rugwiro Herve washimishije abafana babarirwa muri mirongo bari mu cyumba cy’iburanisha.

Umucamanza yemeza ko Rugwiro yakoze icyaha cyo kwambukiranya umupaka adafite urwandiko rw’inzira kandi binyuranije n’amategeko, ariko bitaba impamvu ituma akomeza kuburana afunze nk’uko yabisabiwe n’ubushinjacyaha.

Ubushinjacyaha burega Rugwiro Hervé ibyaha byo kwambuka umupaka nta byangombwa byemewe afite, nta n’uburenganzira bw’Urwego rushinzwe abinjira n’abasohoka afite, icyakora umucamanza avuga ko ubucamanza butabiheraho ngo Rugwiro akomeze gufungwa cyangwa ngo bisabe umwishingizi kuko igihano gihabwa icyaha akurikiranyweho kitarenza imyaka ibiri.

Uyu munsi ni bwo hasomwe umwanzuro kuri uru rubanza, urukiko rukaba rwategetse ko Herve Rugwiro arekurwa akazajya yitaba urukiko igihe cyose rumukenereye.

Uyu musore yafatiwe ku mupaka muto ‘Petite Barriere’ i Rubavu tariki ya 17 Ukuboza avuye muri Repubulika Iharanira Demokarasi ya Congo, yambuka agana mu Rwanda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...