konka coffee
KONKA

AMAKURU

UKWEZI

Rayon Sports iri mu mazi abira aho ishobora guta ingata n’ikibindi, ikabura intama n’ibyuma

Rayon Sports iri mu mazi abira aho ishobora guta ingata n’ikibindi, ikabura intama n’ibyuma
29-05-2018 saa 12:07' | By Muhizi Olivier | Yasomwe n'abantu 13789 | Ibitekerezo 24

Mu Kinyarwanda baca umugani ugira uti "runaka yataye ingata n’ikibindi " bashaka kumvikanisha ko ibyo yashakaga byose nta na kimwe abonye. Ikipe izwi nk’iy’abafana benshi hano mu Rwanda, Rayon Sports, nayo ishobora kubura ibyo irimo kwiruka inyuma byose kubera ibihe irimo bigoye kandi bitamenyerewe n’abakinnyi bayo.

Rayon Sports, ikipe ya rubanda, Gikundiro, kimaranzara, ikipe y’Imana n’andi mazina menshi bayita ubu iri mu bihe biyikomereye cyane, ifite akazi kenshi haba mu mikino yo mu matsinda ya Caf Confederation Cup, imikino ya shampiyona y’icyiciro cya mbere hano mu Rwanda n’igikombe cy’Amahoro.

Ifite kandi na CECAFA Kagame Cup iteganyijwe muri Kamena kuva tariki 28 kugeza 12 Nyakanga 2018 kandi abakunzi bayo hose bashaka ko yitwara neza. Ibyo bikiyongeraho umwuka mubi uri muri iyi kipe hagati mu bayobozi no mu bakinnyi, ubu ifaranga ryateje umwiryane. Hari abakinnyi bakinira umutoza hari n’abatamwitayeho.

Rayon Sports irimo kwirukanka inyuma ya APR FC na AS Kigali ziyoboye urutonde rwa Shampiyona ariko yo ikaba ifite imikino 3 y’ibirarane isigaje.

Bamwe mu bakinnyi ba Rayon Sports bakina mu ikipe y’igihugu Amavubi barananiwe kuko bakinnye CECAFA y’ibihugu mu mikino yabereye muri Kenya, bashaka itike yo kwitabira itike ya CHAN 2018, bafite imikino myinshi kandi ni ibintu badasanzwe bamenyereye. Bamwe bizabaviramo imvune kuko imibiri yabo si amabuye, Rutanga Eric niwe wababanjirije ubu mu matsinda ya CAF Confederation Cup isigaje imikino 2 izakinira hanze n’indi 2 izakinira imbere mu gihugu. Rayon Sports iri ku mwanya wa 3 n’amanota 2 inyuma ya USM Alger ifite amanota 4 , Gor Mahia FC ifite 2 igakurikirwa na Young Africans ifite inota 1.

Mu marushanwa Rayon Sports irimo hose birashoboka ko ishobora kwitwara neza haba mu matsinda ya CAF Confederation Cup aho isabwa nibura gutsinda imikino 2 mu mikino 4 isigaje. Mu gikombe cy’Amahoro naho birashoboka aho isabwa kudakora ikosa na rimwe mu mikino 4 isigaje gukina, muri Shampiyona naho birashoboka aho isabwa gutsinda imikino isigaje harimo n’umukino wa APR FC na AS Kigali ziyoboye urutonde rwa shampiyona, ibintu mu maso ya benshi bisa no gucisha ingamiya mu mwenge w’urushinge.

Ubuyobozi bwashashe inzobe bugerageza kugarura umwuka mwiza mu bakinnyi ariko nabo si abana akanwa kavuyemo ndakwanze ntikavamo ndagukunze, umutoza ikipe yayiciyemo ibice afite abakinnyi be n’abatari abe, abakinnyi hari ubwo bajya mu mwiherero bagasanga ntibateguriwe ibyo kurya bakiririrwa amandazi nk’uko kapiteni w’ikipe Bakame yabitangarije itangazamakuru.

Ariko se abakinnyi bashinjwe kurya ruswa ubu bo baranezerewe? Bakwitangira ikipe ? Byanga bikunda hari ikintu cyagabanutse mu ikipe cyane cyane gukorera hamwe nk’ikipe kuko abakinnyi bakuru nka Tchabalala ntibatinya kubivuga ko hari abakinnyi batitangira ikipe bafite ibindi barimo! . Rayon Sports ntiyorohewe na gato, ishobora guta ingata n’ikibindi

Harasabwa iki ngo Rayon Sports ye guta ingata n’ikibindi ?

Abakinnyi ni nk’abana bato basaba kwitabwaho kuri buri kimwe, kuva ku mufana kugeza kuri perezida w’ikipe ndetse n’abandi bayobozi bose bahurize hamwe ariko ibyo simbimenyereye muri Rayon Sports kuko ntihajya haburamo ishyamba n’ubu ririmo.

Umutoza wa Rayon Sports nawe arasabwa guhindura imikorere akumvikana n’abo bakorana, akajya inama na bo ariko ibyo nabyo simbona byashobotse kuko avuga ko ngo batanemerewe gutoza kuko nta mashuri yabyo bize.

Ubuyobozi na bwo bufite umusozi ukomeye bugomba kuzamuka kuko hari abakinnyi bamwe na bamwe barimo gusoza amasezerano bivugwa ko bashaka kujya muri mukeba cyangwa bagashakira ahandi, biragoye ko abo bakinnyi babasha gukorera ikipe n’umutima wabo wose, tutirengagije ko baba bashaka amafaranga nta zindi mpuhwe baba bafiteye ikipe, ubuyobozi burasabwa kuba maso .

Abakinnyi nabo barasabwa gukorera hamwe yaba abakinnye iyi mikino ya CAF Confederation Cup babyibushye ku mufuka muri iyi minsi ndetse n’abatarabonye n’iripfumuye ku mafaranga Caf yatanze bose barasabwa kwitanga bagatahiriza umugozi umwe, ibi nabyo bisa n’ibigoye, buriya byaba byiza ubuyobozi bufashe abakinnyi kimwe nk’uko muri Team Rwanda(Amagare) bigenda kuko bo bagabanira hamwe ayo bakoreye kuko bakora nk’ikipe. Ibi byose abayobozi babyitayeho wenda bashobora kugira rimwe mu irushanwa batwara cyane hano imbere mu gihugu ariko biragoye nabyo babe maso abayobozi .

Rayon Sports irasabwa kutajenjeka igatsinda buri mukino isigaje mu mikino ya Shampiyona ndetse n’imikino 2 yo mu matsinda izakinira mu rugo harimo umukino wa USM Alger na Young Africans ndetse n’imikino isigaje mu gikombe cy’ Amahoro, bitabaye ibyo yata ingata n’ikibindi aka wa mugani w’abanyarwanda.


INKURU ZA :
Tanga Igitekerezo
Ibitekerezo 24
nge Kuya 2-06-2018

rayon dutwaye iki gikombe mfite uburenganzira uyumunyamakuru namwirukana kukazi nta nimperekeza..

Claude Kuya 31-05-2018

Uyumunyamakuru murabona agamije iki? Gutwara igikombe kuri Rayon sikibazo no kutagitwara sikibazo! kuko azi neza ko ikipe itwara igikombe arimwe! Nagabanye amatiku.

big Kuya 31-05-2018

Aragira ati: "gutsinda APR na As Kgli ni nko kunyuza ingamiye mu mwenge w’urushinge". Iyi statement ye yayusubiramo ko umukino wa As Kgli warangiye kandi ko nkeka ko nawe yawurebye? Be professional please! Gutanga ibitekerezo ntibibujijwe ariko umutwe w’inkuru yawe urimo byacitse nk’aho hari ikidasanzwe kibi cyari cyabaye. Nyamara iyo usomye neza usanga ibyo wita ibibazo muri rayon 80% urivugira akazi kenshi ifite yatewe no kugira SUCCES (kurwanira championat, peace cup, conf cup, CECAFA, national team, ....). Ubwo se ibyo wabyita ibibazo? Ayandi makipe arifuza kuba muri situation nk’iyo yananiwe kubigeraho nawe ngo ni ibibazo!
Once again please TRY TO BE PROFESSIONAL!

Dukundagikundiroyokarama Kuya 31-05-2018

Banyarwanda amahoro y’Imana abane natwe twese,
mu by’ukuri iyi nkuru uwayanditse nuwataye umwanya we ayitekereza icya mbere cyo nta kuri kurimo.
GIKUNDIRO RAYON IKIPE Y’ABANYARWANDA TURAGUKUNDAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAA IMANA IJYE IBARINDA. NJYE NAKUNZE REYON KUBERA UKUNTU ISHIMISHA ABAKURIKIRA UMUPIRA W’AMAGURU IBA IRIMO GUKINA N’AYANDI MA EQUIPE. WE ENCOURAGE YOU, WE LOVE YOU.
Uyu wanditse iyi nkuru mu mwihorere kuko nta bunyamuga kubeshya@com, ihane Yesu ari bugufi utazacumuzwa n’akamnyu k’umutsima. uzabaze trois passeoirs za Aristotes icyo zivuga, nibwo uzasobanukirwa ko uzaba umunyamwuga/esprit d’intelligence ni byiza ko umenya icyo aricyo

Mompalmo Kuya 30-05-2018

Ahhhhhhhhhhhhhh. No kujya mu matsinda ntimwabyemeraga, izakora kandi muzatuza.

Kamagaju Kuya 30-05-2018

Ibyo umunyamakuru avuga nibyo.Ahubwo izarangira burundu;sinabonye ubwo iherutse kujya gukina muri afurika y’epfo no muri mozambique yari ifite abafana agahiryi ba Rnc.None se ejo bundi ivuye muri tanzaniya ntiyakiriwe n’abafana 3 gusa?

Zuzu Kuya 30-05-2018

Inkuru yawe ikabirinjije kubera rayon

Zuzu Kuya 30-05-2018

Inkuru yawe ikabirinjije kubera rayon

Reginr Kuya 30-05-2018

Rayon muyishakaho iki ? Uziko narimpise nta umutwe munjye mureka kudukura umutima. Rayon izabikora.

Dehu Kuya 29-05-2018

NUJYA WANDIKA UJYE UVUGA ABAGUTUMWE !IBYO NI IBITEKEREZO BYAWE .RAYON NTA KIBAZO IFITE KERETSE ABATERAMWAKU NKA MWE.

Joo Kuya 29-05-2018

Nuko urakoze ! Usohoje ubukwe bw’abagutumye Gushyushya Urugamba muri Gikundiro . Ubunyamwuga ZERO.

Joo Kuya 29-05-2018

Nuko urakoze ! Usohoje ubukwe bw’abagutumye Gushyushya Urugamba muri Gikundiro . Ubunyamwuga ZERO.

Cool Kuya 29-05-2018

Man muba mwabuze ibyo mwandika mwagafunze ikinyamakuru cyanyu mukajya gucuruza amandazi kuko ibi sibyanyu mwarayobye

Kelly Kuya 29-05-2018

This junalist is not serious!!!so he can read and think about what he wrote

Damascene Kuya 29-05-2018

Ese ubu yo ufashe umutwe w’inkuru nkuyu uba ushaka kugera Kuki ngirango Kuko nyine ari iyarubanda uba ushaka kubashyushya cg yo mutayanditse ntimugurisha ngo rayon sports iri mu mazi abira inkuru z’iyi kipe zishobora kuba zibinjiriza cg se mufite izindi nyungu tutazi kunkuru nkizi !!!!

Damascene Kuya 29-05-2018

Ese ubu yo ufashe umutwe w’inkuru nkuyu uba ushaka kugera Kuki ngirango Kuko nyine ari iyarubanda uba ushaka kubashyushya cg yo mutayanditse ntimugurisha ngo rayon sports iri mu mazi abira inkuru z’iyi kipe zishobora kuba zibinjiriza cg se mufite izindi nyungu tutazi kunkuru nkizi !!!!

rayonsport Kuya 29-05-2018

Haa iki kinyamakuru kiransekeje kbsa. kuki mutayanditse ibibiza bigishyushye none muyiznye ubu? uki ni kwa gutegura Joseph wa As kigali yavuze. tena nyi ikinyamakuru n’umu APR fc turabizi. Theo shisha macye dukine.

Paul Kuya 29-05-2018

Igitekerezo cyawe ni amafuti rwose

AMANI Paul Kuya 29-05-2018

Umugani wo guta ingata n’ikibindi wawubwiwe nande koko? mwagiye mwandika ibyo musobanukiwe mu dashebeje umwuga mu kora.

kalisa Kuya 29-05-2018

uyu munyamakuru ntabunyamwuga afite

jackson habakurama Kuya 29-05-2018

ibyomuvuga byose byabayeho ariko

byararangiye so ntabwo uko babyiteze kuri rayon ariko bizaba ibikombe tuzabitwara kandi nt
acyo tuzaba rayon siport arwys is rayon

jackson habakurama Kuya 29-05-2018

ibyomuvuga byose byabayeho ariko

byararangiye so ntabwo uko babyiteze kuri rayon ariko bizaba ibikombe tuzabitwara kandi nt
acyo tuzaba rayon siport arwys is rayon

gasore bertin Kuya 29-05-2018

wowe wanditse iyinkuru ntango urumunyamakuru wumwuga ahubwo ufite ikindi ugamije kuko bigaragarako utazi ibyo uvuga byaba byiza uzanye interview ya bakame avugako barya amandazi muri locale .ikindi twaramenye iyi timing yawe rwose niba ushaka kuducamo kabiri ntabyo ubonye ibihe turimo nibyo guhuza ingufu kugirango dukusanye amanota ndumva ntamukunzi wa rayon wakwishinga ibyo wanditse .let’s remind you that our blood is white and blue

Brown Kuya 29-05-2018

I think the one who wrote this article is also against the coach. when makin any news you need to be neutral as much as you can. But I think it’s not the case here. thanks

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...