AMAKURU

UKWEZI
ubumwe

Premier League: Abakinnyi bahembwa akayabo abakozi bo hasi bicira isazi mu jisho

Premier League: Abakinnyi bahembwa akayabo abakozi bo hasi bicira isazi mu jisho
9-08-2019 saa 15:08' | By Nsanzimana Ernest | Yasomwe n'abantu 3012 | Ibitekerezo 1

Amakipe yo muri shampiyona ya Premier League yashishikarijwe guhemba abakozi bayo bose umushahara ushyize mu gaciro, mu igura n’igurishwa ry’abakinnyi ryarangiye ejo aya makipe akaba yarasohoye miliyari 1.41 z’amapawundi.

Abakozi benshi bakora isuku, abacunga umutekano, abategura amafunguro n’abandi, ntibahembwa umushahara watuma bashobora kubona iby’ibanze nkenerwa mu buzima, nkuko bitangazwa n’umuryango Citizens UK.

Uyu muryango uvuga ko amakipe ane yonyine muri 20 yo muri Premier League ari yo yiyemeje guhemba bene abo bakozi umushahara utuma bashobora kubona iby’ibanze nkenerwa mu buzima.

Amakipe asigaye yashinjwe kwirengagiza "ubuzima n’akababaro k’abakozi".

Kompanyi zemewe n’ikigo Living Wage Foundation ziyemeza guhemba ku bushake abakozi bose n’abandi bafite izindi kontaro, umushahara w’amapawundi 9 ku isaha mu bice bindi by’Ubwongereza.

Amakipe yo mu murwa mukuru London yo ni amapawundi 10.55 ku isaha.

Icyo kigero kiruta igiteganywa n’amategeko agenga umushahara wo hasi ushoboka mu Bwongereza kiri ku mapawundi 8.21 ku isaha.

Amakipe ya Everton, Liverpool, Chelsea na West Ham yose yiyemeje kubikurikiza, hari n’amakipe yo muri Championship nk’ikipe ya Luton nayo akurikiza uwo mushahara ku bushake.
Gusa hari andi makipe yo afite abakozi bagihembwa umushahara utuma ubuzima bwabo busa n’ubudashoboka.

’Ntibikwiye’

Umwe mu bakora isuku ku kibuga Old Trafford cya Manchester United, yagize ati: "Birangora kubona ifunguro ry’umuryango wanjye ndetse akenshi binsaba kugura ibiryo by’igiciro cyo hasi cyane".

Uyu mugabo utashatse ko izina rye ritangazwa, yongeyeho ati: "Urebye akayabo k’amafaranga ari mu mupira w’amaguru, byaba byiza kubona iyi kipe ihemba abakozi bose umushahara ushyize mu gaciro..."

Amakipe yo muri shampiyona ya Premier League, yose uyashyize hamwe, yaciye umuhigo wo kwinjiza amafaranga menshi cyane mu mateka miliyari 4.8 z’amapawundi mu mwaka w’imikino wa 2017-2018.
Ubwo umunsi wa nyuma w’igura n’igurishwa ry’abakinnyi kuri iyi mpeshyi warangiraga ejo ku wa kane, aya makipe yari amaze gusohora amapawundi miliyari 1.41 ku bakinnyi.

Habuze gato ngo agere ku muhigo wa miliyari 1.43 y’amapawundi wo mu 2017.

Umuryango Citizens UK uvuga ko umwaka mushya w’imikino ugiye gutangira abakozi bamwe "bakigorwa no kubona ay’umugati".

Uyu muryango ukavuga ko ibyo "bidakwiye mu gihe amakipe ahemba akanasohora akayabo ku bakinnyi".

BBC


INKURU ZA :
Tanga Igitekerezo
Ibitekerezo 1
Mess Kuya 1-09-2019

kuberiki mazimaka batamuhamagaye

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...