konka coffee
KONKA

AMAKURU

UKWEZI

Police FC ikomye mu nkokora APR FC iyibuza kurara ku mwanya wa mbere

Police FC ikomye mu nkokora APR FC iyibuza  kurara ku mwanya wa mbere
10-06-2018 saa 18:34' | By Muhizi Olivier | Yasomwe n'abantu 2730 | Ibitekerezo

Mu mukino w’ikirarane wahuzaga APR FC yari yakiriye Police FC, urangiye amakipe yombi anganya igitego kimwe kuri kimwe bituma ikipe ya APR FC yagombaga kurara ku mwanya wa mbere itabigeraho iharira AS Kigali

APR FC yari yakiriye Police FC kuri iki Cyumweru tariki 10 Kamena 2018, imbere y’abafana ba Rayon Sports na Kiyovu kuko aba Police FC bo uwarebaga muri sitade ya Kigali yaberagamo uyu mukino wabonaga ari mbarwa.

Police FC niyo yinjiye mu mukino mbere ku munota wa 9 yari yamaze kubona igitego cya mbere cyatsinzwe na Dominique ndetse ikomeza gusatira cyane ari nako ihusha ibitego byari byabazwe ahanini bitewe n’uburangare bw’abakinnyi b’inyuma ba APR FC ku makosa ya hato na hato bakoraga.

Ku munota wa 25 Muzerwa Amini yatsinze igitego umusifuzi aracyanga avuga ko yari yaraririye ,igice cya mbere cyarangiye ari igitego kimwe cya Police FC ku busa bwa APR FC.

Mu gice cya kabari APR FC yatangiranye impinduka Byiringiro Lague asimbura Nshimiyimana Ammuran APR FC nayo itangira gucana umuriro imbere ya Police FC ari nako abakinnyi ba Police batangira gutinza iminota.

Ku munota wa 71 Nsabimana Aimable yatsinze igitego cya mbere cya APR FC ku mupira wari uvuye muri koruneri utewe na Iranzi Jean Claude.

APR FC yakomeje gusatira cyane umutoza akora impinduka issa Bigirimana asimburwa na Nshuti Dominique Savio ariko bitagize icyo bitanga cyane ,abakinnyi ba APR FC nka Bizimana Djihad bagerageje amahirwe mu gitera imipira ya kure ariko biba ibyubusa.

Ku munota wa 89 kw’ikosa ryari rikorewe Bizimana Djihad, Iranzi yateye kufura umupira abakinnyi ba Police FC barawugarura usanga Djhad ahagaze neza awuboneza murushundura gusa umusifuzi yemeza ko yari yarariye umukino urangira amakipe yombi anganya igitego 1kuri 1.

Umwanya wambere ubu wicayeho As Kigali ,APR FC ifite umusozi igomba kuzamuka aho ifite umukino na Rayon Sports kuri uyu wa Gatanu tariki 15 kuri Stade Amahoro mu gihe As Kigali yo izaba yerekeje I Kirehe gucakirana na Kirehe FC aha ikipe iyo ihavuye iba igira umugisha kuko APR FC na Rayon Sports zose zananiwe kuhakura amanota muri uyu mwaka.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...