konka coffee
KONKA

AMAKURU

UKWEZI

Paulinho wa FC Barcelona yerekeje muri Evergrande

 Paulinho wa FC Barcelona yerekeje muri Evergrande
9-07-2018 saa 11:40' | By Muhire Aime Placide | Yasomwe n'abantu 2676 | Ibitekerezo

Nyuma y’amezi 11 yonyine ageze muri FC Barcelona ubwo yagurwaga Miliyoni mirongo ine z’ama Euro, José Paulo Bezerra Maciel Júnior, uzwi ku izina rya Paulinho, yamaze gusubira mu ikipe ya Guangzhou Evergrande yo mu Bushinwa aho atijwe iyi kipe azamaramo umwaka umwe ayikinira.

Guangzhou Evergrande ni imwe mu makipe akomeye kandi yibitseho umutungo uhagije muri ruhago y’Abashinwa.

Paulinho yatijwe muri Guangzhou Evergrande, ikipe yari asanzwe akinira kuko mu mwaka wa 2017 aribwo yinjiye muri Fc Barcelona aturutse muri iyi kipe. Uyu mugabo witegura kuzuza imyaka 30 kuwa 25 Nyakanga yakinnye mu makipe nka Tottenham yo mu Bwongereza ahandikira amateka yamugize ikirangire muri ruhago.

Ubutumwa ikipe ya Guangzhou yagejeje ku bakunzi bayo binyuze ku mbuga nkoranyambaga buragira buti “Twishimiye kubabwira ko twagaruye Paulinho mu ikipe yacu ku ntizanyo y’umwaka umwe guturuka muri FC Barcelona”.

Ku rwego mpuzamahanga, Paulinho yagaragaye inshuro 55 mu ikipe y’igihugu ya Brazil abasha gutsinda ibitego 13 muri iyo mikino yose.

Nyuma yo kumvikana kw’aya makipe yombi, Barcelona yagaragaje ko ishimira Paulinho ku muhate yayigaragarije ndetse iyi kipe inamwifuriza amahirwe n’intsinzi mu gihigu cy’Ubushinwa.

Paulinho ari mu bakinnyi bitwaye neza cyane mu gikombe cy’Isi cya 2018, n’ubwo Brezil ye itagize amahirwe yo gukomeza muri 1/2

Mu mwaka ushize, Paulinho yafashije FC Barcelona gutwara igikombe cya Shampiyona yo mu gihugu cya Espagne ndetse n’igikombe cy’igihugu. Muri rusange Paulinho yakinnye imikino 49 ya FC Barcelona, uwa nyuma yawukiniye i Camp Nou.

N’ubwo ikipe y’igihugu ya Brezil bitayihiriye mu mikino y’igikombe cy’isi itararangira, kuba yarageze muri ¼ cy’iri rushanwa ibikesha abakinnyi barimo na Paulinho wigaragaje cyane mu mikino bakinnye.

Paulinho ni umukinnyi w’umuhanga


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...