konka coffee
KONKA

AMAKURU

UKWEZI

Nyuma ya Louise Mushikiwabo, Aimable Bayingana nawe yatorewe umwanya ukomeye i Paris

Nyuma ya Louise Mushikiwabo, Aimable Bayingana nawe yatorewe umwanya ukomeye i Paris
20-10-2018 saa 11:43' | By Chief Editor | Yasomwe n'abantu 10090 | Ibitekerezo

Nyuma y’iminsi micye u Rwanda rubyina intsinzi ya Louise Mushikiwabo uherutse gutorerwa kuba Umunyamabanga Mukuru w’Umuryango w’Ibihugu bikoresha Ururimi rw’Igifaransa, OIF, iyi ntsinzi u Rwanda rwayibonye no mu mikino kuko Aimable Bayingana usanzwe ari Perezida w’ishyirahamwe ry’Umukino wo gusiganwa ku magare mu Rwanda, yagiriwe icyizere mu matora yabereye i Paris mu Bufaransa.

Aimable Bayingana, ni izina rimaze kwamamara cyane mu Rwanda bitewe n’uruhare rugaragara yagize mu iterambere ry’umukino wo gusiganwa ku magare mu Rwanda, Abanyarwanda bakina uyu mukino bakaba bamaze kuba ikimenyabose haba mu Rwanda, muri Afurika no hirya no hino ku isi aho bitabira amarushanwa bakahacana umucyo.

Kuri uyu wa Gatanu tariki 19 Ukwakira 2018, nibwo Aimable Bayingana yagiriwe icyizere cyo kuba Perezida w’Ishyirahamwe ry’Umukino wo gusiganwa ku magare mu bihugu bikoresha ururimi rw’Igifaransa (Union Francophone de Cyclisme), amatora akaba yarabereye i Paris ku cyicaro cy’ishyirahamwe ry’Umukino wo gusiganwa ku magare mu Bufaransa.

David Lappartient, Perezida w’Ishyirahamwe mpuzamahanga ry’Umukino wo gusiganwa ku magare, yashimiye Aimable Bayingana kuri uyu mwanya yatorewe, anashimira Maître Mohammed Ben El Mahi ukomoka muri Maroc wabaye Perezida w’iri shyirahamwe kuva ryashingwa kugeza ubwo yasimbuwe n’Umunyarwanda Aimable Bayingana.

Aimable Bayingana ari kumwe na David Lappartient, Perezida w’Ishyirahamwe mpuzamahanga ry’Umukino wo gusiganwa ku magare

Uretse kuba Aimable Bayingana ari Perezida w’ishyirahamwe ry’Umukino wo gusiganwa ku magare, ni n’umwe mu bagize komite nshingwabikorwa y’impuzamashyirahamwe nyafurika y’umukino wo gusiganwa ku magare (Confederation of African Cycling Executive Committee).


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...