AMAKURU

UKWEZI
ubumwe

Minisitiri Mimosa yasabwe gukurikirana umushinga wo kwagura Sitade Amahoro

Minisitiri Mimosa yasabwe gukurikirana umushinga wo kwagura Sitade Amahoro
15-11-2019 saa 20:24' | By Nsanzimana Ernest | Yasomwe n'abantu 2809 | Ibitekerezo 1

Nyirasafari Esperance wari Minisitiri wa Siporo n’ Umuco yabwiye Minisitiri Mimosa ko hamwe mu hantu akwiye gushyira imbaraga ari mu gukurikirana umushinga wo kwagura Sitade Amahoro no gutunganya aho iyi sitade iherereye hagahinduka umwanya ’ imikino.

Minisitiri wa Siporo Munyangaju Aurore Mimosa yabitangarijwe mu muhango w’ ihererekanyabubasha wabaye kuri uyu wa 15 Ugushyingo 2019.

Nyirasafari wagize Senateri, akanagirirwa icyizere na bagenzi be bakamugira Visi Perezida wa Sena yagize ati “Ikindi nasaba hari gahunda yo gutunganya aha hantu turi, Arena iyi zone y’ Amahoro hagakorwa ku buryo haba nka site sportive. Aha rero hari haratangiye gutegurwa igishushanyo mbonera ku buryo haba ahantu nyine ha siporo ku buryo ushobora kuza ukahasanga imikino inyuranye. Iki gishushanyo kigomba gushyirwamo imbaraga birihutirwa”.

Senateri Nyirasafari avuga ko igice Sitade Amahoro yubatsemo kigomba kuzashyirwamo imikino yo koga, basketball, tennis ku buryo abantu bazajya bahasohokera bakahanezerererwa.

Minisitiri wa Siporo Munyangaju Aurore Mimosa usanzwe ari umukunzi w’ umukino wa Basketball yashimiye Perezida Kagame wamugiriye icyizere akamushinga Minisiteri ya Siporo, anashimira Hon Esperance Nyirasafari ku nama yamuhaye. Ati “Ndumva zizagenda zidufasha muri uru rugendo”.

Minisitiri Mimosa yavuze ko azashimangira imikoranire ya Minisiteri ya Siporo na za Federasiyo, n’ imikoranire hagati ya Minisiteri ayoboye na Minisiteri y’ Urubyiruko n’ Umuco.

Yakomeje agira ati “Nkaba nsaba abakozi ba Minisiteri ya Siporo kubakira ku ihame ry’ ubufatanye, ndumva nabibizeza. Nk’ abantu bashinzwe siporo gukorera ku gihe ni ikintu tugomba gushyira muri gahunda no gukomeza gukurikiza. No guhanga ibishya. Ibi byose bikazadufasha kugera ku musaruro twitezweho nka Minisiteri ya Siporo”.

Munyangaju Aurore Mimosa yari asanzwe ari Umuyobozi Mukuru wa sosiyete ubwishingizi ya Sonarwa Life Insurance.

Minisiteri ya Siporo ni nshya. Hahozeho Minisiteri y’ Umuco na Siporo, inshingano y’ umuco yajyanywe muri Minisiteri y’ Urubyiruko ihinduka Minisiteri y’ urubyiruko n’ umuco.


INKURU ZA :
Tanga Igitekerezo
Ibitekerezo 1
Giliberd nijimbere Kuya 26-11-2019

SHAKA COMEDI

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...